Upernavik

2023-mut siunnersuinerit

Siunnersuineq atuuttoq silittumik allaqqavoq. Siunnersuineq siornarnisaq uingasumik allaqqavoq.

Siunnersuinerup itisilernera

NAFO sineriatta qanittuani imartatta immikkoortuini arfinilinni qaleralittassat pillugit siunnersuisarpoq:

*Kitaani sinerissap qanittuani sumiiffinni arfinilinni Namminersorlutik Oqartussat peqqusinerat malillugu ukiunut marlunnut siunnersuineruvoq.

Upernavik

NAFO-miit innersuussutigineqarpoq 2023-imi aammalu 2024-imi pisarineqartussat 6.070 tonsit qaangissanngikkaat. Tassa siornatigut 5.068 tonsinik innersuussutigineqarsimasuniit 20%-inik amerlanerussasut. Siunnersuinermi peqassutsimik nalunaarsuinerit amigartut pineqartillugit najoqqutassat malillugit innersuussisoqarpoq. Periutsimi ukiuni kingullerni pingasuni qassutinik misissuinerni, peqassutsip oqimaassusinngornerata agguaqatigiissinneranut nallersuunneqarput, taakkualu suli ukiuni siuliini nalunaarsorneqarsimasunut tassa ukiuni 4-7-ini nalunaarsorneqarsimasunut aamma nallersuunneqarput (2019-21 peqassutsip oqimaassusinngortinneqarnerata agguaqatigiinnera/2015-18 peqassutsip oqimaassusinngortinnerata agguaqatigiissinneranut nallersuullugit). Nalunaarsukkat malillugit siunnersuinermut siulianut naleqqiullugit 20%-inik qaffariaateqartoqarput, siuliani siunnersuinermut amerleriaatigineqartussanngorlutik.

Takussutissiaq 4. Sinerissap qanittuani qalerallit Upernavik. Pisat (saamerleq), tulaanneqartut angissusiisa agguataarneqarnerat (qiterleq), nalunaarsuilluni angalanerni misissukkat amerlassusiisa oqimaassusinngortinneqarnerat (talerperleq).

Pisat 1980-imiit 1998-imut 7.000 tonsinngorlutik amerliartorsimapput, ukiunilu kingullerni 15-ini pisarineqartartut 7.500 tonsit 9.000 tonsillu akornganniittarsimapput. 2021-mi pisat 8.480 tonsiupput (Takussutissiaq 4, saamerleq). 1997-imiit 2009-mut qalerallit agguaqatigiissillugu angissusii aalaakkaariarluni, tamatuma kingorna 65 cm-iniit 55 cm-inut milleriarsimallutik (Takussutissiaq 4, qiterleq). Qassutinik misissuinerit 2020-imeersut 2021-meersullu ukiunut siuliinut sanilliullugit peqassuseq oqimaassusinngorlugu ukiunut siuliinut sanilliullugit qaffariaaseqarsimammata (Takussutissiaq 4, talerperleq), misissuinerillu takutippaat siusinnerusumut sanilliullugit aalisakkat 40-55 cm-it akornganni angissusillit 30 cm-illu missaannik angissusillit amerleriaateqarsimasut.

Aalisakkanut siunnersuinermut atuuttumut eqikkaaneq tamakkeqqasoq uani aaneqarsinnaavoq: NAFO-mit qalerallit pillugit 2023-mut siunnersuinerit eqikkarneqarnerat

Siornatigut siunnersuinerit uani takusinnaavatit: