Kitaani sinerissap qanittuani saarulliit

2025-mut siunnersuinerit

Siunnersuineq atuuttoq silittumik allaqqavoq. Siunnersuineq siornarnisaq uingasumik allaqqavoq.

ICES-ip siunnersuinermini innersuussutigaa 2025-mi tamakkiisumik pisassiissutigineqartut 4.455 tonsit sinnissanngikkaat (2024-mi siunnersuineq: 3.095 tonsit). Taakkunannga Nuup avannaani pisarineqartussat 2.151 tonsit sinnissanngilai (2024-mi siunnersuineq: 746 tonsiupput) aamma Nuummi kujataatungaanilu pisat 2.304 tonsinik amerlanerunissaat innersuussutigineqanngilaq (2024-mi siunnersuineq: 2.349 tonsit).

Peqassutsip piffissap ingerlanerani allanngorarnera:

Nuup avannaatungaani (NAFO Subarea 1a-c): peqassutsimut ilanngaassutaasartut (F) piujuartitsiniarluni killissarititamit qaangiisiamvoq (F_msy), Suffinerilu annertussusaat oqimaassusinngortikkaanni (SSB) peqassutsimut naliliinermiit qaffasinneruvoq MSY B_{trigger ,} B_pa, og B_lim (Takussutissiaq 2 saamerleq).

Nuummit Nunap Isuanut (NAFO Subarea 1d-f): Aalisakkat toqusartut (F) piujuartitsiniarnermi killigititaasumit qaffasinnerupput (F_msy), suffisinnaassusaasali oqimaassusinngortinnerini (SSB) peqassutsip killissarititaa qaangeqqavaa MSY B_trigger , B_pa, aamma B_lim (Takussutissiaq 2).

Takussutissiaq 2 Saarulliit (Gadus morhua) Kalaallit Nunaata Kitaani sinerissap qanittuani suffisartut (NAFO Subarea 1). Saamerleq Nuup avannaani (NAFO Div.1a-c) peqassutsimik naliliinerit eqikkarneqarnerat aamma talerperleq Nuumminngaanniit kujammut (NAFO Div.1d-f) uumasoqatigiit. Qulaani: pisat, qulaaniit nr. 2: Aalisakkat nutaat takkuttut (2024-mi qarasaasiami naatsorsuinerit aallaaviga-lugit), nr. 3 qulaaniit: aalisakkat toqusartut (F), allermi: Suffisinnaassuseq oqimassusinngortillugu (SSB).

Periutsini nutaani saarulliit sananeqaataannik atorluaasoqarpoq aamma Kalaallit Nunaata imartaani saarulleqatigiiaat assigiinngitsut pingasuusut nalunaaqutsersortarnerisigut paasissutissanik pigilikkanik atorluaalluni immikkoortitsisoqarsinnaalersimavoq. Kangerlunni marlunni saarullinnik suffisoqartarsinnaanera erserpoq: Nuup avannaani aamma Nuummit kujammut. Saarulleqatigiiaat taakku tamarmik piffissap aalajangersimasup iluani immikkuullarilluinnartuusutut nalilerneqarput, naliliinermut siunnersuinermullu atorsinnaallutik. Ukiut ingerlanerini nalunaarsuisarnerit sivisussusaat 2000-imi sivikillineqarpoq, saarulleqatigiiaat amerliartorsinnaanerat oqaluttuarisaanermi allannguuteqarsimammat, 2000-ilu sioqqullugu saarulliit sananeqaataat pillugit kisitsisitigut paasissutissat pigineqartut amigarmata.

Saarulliit avataani suffisarfinni marlunneersut sinerissap qanittuanut ingerlaartarput, sinerissap qanittuani suffisartut marluusut najortagaanniilertarput (takutitassiaq 1), pisortallu ingerlatsiviini naliliinerni taakku ilanngullugit naliliiffigineqartartussaapput (soorlu sumiiffinni TAC-lersuinerit taamaattartut) saarulleqatigiiaat assigiinngitsut tamaasa immikkut sippuisumik siunnersuiffiginissaat pinngitsoortinniarlugu.

Aalisakkanut siunnersuinermut atuuttumut eqikkaanerit tamakkeqqasut uani aaneqarsinnaapput: Aalisakkat assigiinngitsut pillugit 2025-mut ICES-imit siunnersuinerit eqikkarnerat

Siornatigut siunnersuinerit uani atuarneqarsinnaapput: