Saattuat pillugit 2024-mut siunnersuinermut tunngatillugu ilisimatitsissut

Saattuarniarneq (Chionoecetes opilio) pillugu ukiumik ataatsimik atuuttussamik siunnersuisoqartarpoq. Peqassuseq ukiut tamaasa nalilersorneqartarpoq, kisitsisitigut paasissutissat allanguutinik malunnaatilinnik takutitsigaangata siunnersuineq aamma naleqqussarneqartarpoq. 2024-mut tonsinngorlugit saattuartassiissutigineqarsinnaasutut innersuussutigineqartut takussutissiaq 1-imi takuneqarsinnaapput (quppernerni tulliuttuni sukumiinerusumik allaaserineqarput).

Pinngortitaleriffiup saattuaqassutsimik ukiumoortumik misissuisarneri aqutsiveqarfimmi Sisimiuni sinerissami qanittumi avataanilu ingerlattarpai. Saattuarniarfiusartuni allani saattuarniartartut nalunaarutigisartagaat kisimik pigineqartut tunngavigalugit Pinngortitaleriffik peqassutsimik naliliisarpoq. Upernavimmut, Maniitsumut-Kangaamiunut kiisalu Narsamut-Nunap-Isuanut tunngatillugu sinerissap qanittuani siunnersuisoqanngilaq.

Takussutissiaq 1. Saattuarniarneq – siunnersuineq, pisat aamma pisassiissutit 2023-2024 (tons); ”-” = siunnersuisoqanngilaq; *=2023-imi pisat pillugt utaqqiisaasutut  nalunaarutigineqarsimasut.

		Siunnersuineq 2023	Pisat 2023*	Siunnersuineq 2024
Upernavik	Qanitt	–	219*	–
	Avataa	–	0	–
Qeqertarsuup Tunua	Qanitt	982	629*	982
	Avataa	–		–
Sisimiut	Qanitt	599	626	599
	Avataa	102	38*	102
Maniitsoq	Qanitt	–	–	–
	Avataa	–	–	–
Nuuk-Paamiut	Qanitt	1 020	422*	685
	Avataa	513	447*	513
Narsaq-Nunap Isua	Qanitt	–	-*	–
	Avataa	–	–	–

Aqutsiveqarfinni tamani saattuarniartarnerit piffissami aalajangersimasumi, tassalu marsip naajartulerneraniit juulip qiteqqunneranut ingerlanneqartalissasut Pinngortitaleriffiup innersuussutigaa. Taamaaliornikkut peqassutsip pilersorneqarnera qulakkeerneqassaaq, tamatumalu malitsigisaanik avammut eqqaanermi toqusartut ikilissagaluarput. Tamanna isumalluutinik atuinerup pissusissamisoornerulernissaanik kinguneqassaaq (tusarfik: FRCC, Strategic Conservation Framework for Atlantic Snow Crab).

Taamatuttaaq allattaavinni saattuanik eqqaasarneq pillugu nalunaarsuisarnerup pitsanngorsarneqarnissaa innersuussutigineqarpoq, peqassutsimit tigusinerit qanoq annertutigerpiarnerat kisinneqarsinnaalerniassammat.

Saattussanut siunnersuineq 2024imoortoq tamakkiisoq aasinnaavat  ugguuna

Ukiuni siuliini siunnersuinerit uani aaneqarsinnaapput

 

2023	2022	2021
2019-2020	2017-2018	2015-2016
2013-2014	2012	2011
2010	2009	2008
2007