Ilisimatusarnermi teknikeri Saqqummersinneqarfia 09.01.2024
Pinngortitaleriffimmi Aalisakkanut Qalerualinnullu Immikkoortortaqarfik, sulianik assigiinngitsunik siammasissunillu suliaqarsinnaasumik, suleqateqarluarsinnaasumillu nunani tamanit ilisimatusarnermi suliaqartunut teknikerissarsiorpoq. Laboratoriami, allamukarlunilu suliaqarnermi qarasaasialerinermilu suliaqarsinnaasoq aaqqiissuteqartarlunilu naammassinnilluarsinnaasoq ujartorneqarpoq.
Suliassat tamatigoortuupput nikerartuussallutillu, ilaatigullu makkuussallutik: a) laboratoriami suliaqarneq, b) Pinngortitaleriffiup ilisimatuussutsikkut misissuutaanni umiarsuarmi avataanilu suleqataaneq c) aalisartunit aalisakkerivinniillu aalisakkanik qalerualinnillu misissugassanik katersineq d) Katersaniit paasisanik pitsaassutsimik qulakkeerinninneq qarasaasiamullu allattuinerit e) teknikkikkut atortorissaarutinik iluarsaassinerit allarpassuillu.
Ilisimatusartunik, teknikerinik ilinniagaqartunillu qanimut suleqateqartussaassaatit. Kiffartuussisinnaassuseqassaatit, inussiarnersuunissat pisariitsumillu naammassinnilluarsinnaanissat kissaatigineqarpoq. Illit misissuivimmi avataanilu sulinerni ataqatigiissaarisuussaatit, pilersaarusiortuussaatit nammineerlutillu sulianut aqutsisuullutit. Atortorissaarutinik piareersaaneq, misissuinermi isumannaallisaanermilu atortut nutarsarsimanissaat akisussaaffigissavatit. Paasisat pisariunngitsumik pissarsiarinissaat anguniarlugu misissuivimmi avataanilu sulinermi naammassilluarneqarnissaat qulakkeersinnaassassavatit.
Kalaallisut, danskisut tuluttullu oqaatsinik atuisinnaaguit iluaqutaassaaq.
Pisinnaasat:
- Aalisakkerinermi teknikeritut, biologinullu ikiortutut ilinniagaqarsimassaatit
- EDB; Windows, Excel, Word atorsinnaalluassavatit.
- Avataani imarsiortutut suleqatarlutillu pilersaarusiortarnerinik misilittagaqassaatit.
- Suleqatigiit akornganni suleqataasinnaaneq, aammali suliamik namminersuuteqarsinnaanissaq suliassarsiorsinnaanissarlu
- Aaqqissuussillunilu ilusilersuisinnaanermik piginnaaneqarnissaq, ingammik laboratoriani, aammalu ulluinnarni suliassanik pilersaarusiorlunilu suliaqarsinnaanissaq
- Inussiarnersuuneq sulerusussuseqartorlu suleqatitut suleqatikkuminartuullutit aamma allatut atorfillit akornganni
Aningaasarsiatigut atorfinitsitaanermilu atugassarititaasut: Ataqatigiissaarisutut imaluunniit ilisimatusartunut teknikeritut atorfinitsitaassaatit. Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Inissaq: Atorfimmut inissaqartitsisoqanngilaq. Namminersorlutillu Oqartussani atorfinnut atatillugu ineqartitaareersimaguit tigummiinnarsinnaassavat. Atorfeqarunnaarnermili inigisaq qimanneqartussaassaaq.
Qinnuteqarnissamut killissaritaavoq 5. februar 2024
Sukumiinerusumik paasisaqarniaruit immikkoortortami pisortaq Helle Siegstad attavigisinnaavat ugguuna HeSi@natur.gl imaluunniit +299 361200.
Pinngortitaleriffiup nittartagaa misissorsinnaavat uani www.natur.gl,
Qinnuteqaatit, CV, ilinniarsimanernut pikkorissarnernullu uppernarsaatit assingusullu nassiussinnaavatit ”Qinnuteqaat nassiuguk” toorlugu. E-maili aqqutigalugu qinnuteqaatinik tigusaqarneq ajorpugut.