Pinngortitaleriffimmi avatangiisinut immikkoortortaqarfimmi pisortaq Saqqummersinneqarfia 12.01.2024

Pinngortitaleriffik Namminersorlutik Oqartussanik, kommunenik allanillu uumassuseqartunut tunngasunik siunnersuisartuusoq, Avatangiisinut Aatsitassanullu Immikkoortortaqarfimmut pisortassarsiorpoq, apriilip aallaqqaataaniit piaarnerpaamilluunniit sulilertussamik.

Avatangiisinut Aatsitassanullu Immikkoortortaqarfik ilisimatusarnermik suliaqartunik arfineq-marlunnik immikkortortamilu pisortamik inuttaqarpoq. Immikkortortaqarfimmilu suliassat ilaatigut makkuupput.

• Avatangiisit pillugit ilisimatusarnermik aallaaveqartumik aatsitassarsiornermut allanillu ingerlatanut tunngatillugu Namminersorlutik Oqartussanik siunnersuineq.
• Greenland Ecosystem Monotoringimut tunngatillugu silap allanngornerisa sunniutaanik misissuineq.
• Nalunaarsukkat initussutsimut tunngasut, qarasaasiat atortullu (GIS, sonar il.il.).
• Suliniutinut suleqatigiinnullu nunanit tamalaanit peqataaffigineqartunut ilaasarnissaq.
• Suliniutit ingerlatallu allat avatangiisinut attuumassuteqartut.

Immikkoortortaqarfik Pinngortitaleriffillu pillugit annerusumik uani paasisaqarsinnaavutit: www.natur.gl.

Suliassat

Avatangiisinut Aatsitassanullu Immikkoortortaqarfimmi pisortatut makkunatigut sullisseqataanissat naatsorsuutigaarput:

• Aningaasaqarneq, allaffissorneq, ataatsimiinnermik aqutsineq, ineriartortitsineq, attaveqatigiinneq immikkoortortaqarfimmilu sulisunik aqutsineq il.il..
• Pinngortitaleriffiup ineriartortinnissaanut immikkoortortaqarfik namminerlumi ilanngussaqarluni aqutsisoqatigiillu aqqutigalugit ataqatigiissaarisarnissaq.
• Pisortaqarfigut Kalaallit Nunaanni, Danmarkimi, nunamilu allani suleqatigisagut ataqatigiissaarfiginissaat.
• Aatsitassarsioqatigiiffiit suliffissuaqarfiillu assingusut ingerlataat pillugit avatangiisinut siunnersuisarnissaq.
• Piginnaanerit sullissinerillu tungaatigut immikkoortortaqarfik Pinngortitaleriffillu ineriartortillugit.
• Suliniutit, immikkoortortaqarfiup piginnaasaanut tunngasut ingerlallugit.
• Immikkoortortaqarfiup suliaanut piginnaasaanullu tunngassuteqaraangata pisortat inuiaqatigiillu siunnersorlugit allatigulluunniit ikiorlugit.

Piginnaaneqarfissat

Aqutsisoq tulluuttumik ilinniagartuujusoq ujartorparput avatangiisinut siunnersuinermut misilittagaqarnissaa kissaatiginarsinnaalluni. Immikkoortortaqarfiup suliaanut tunngasumik ataatsimik arlalinnilluunniit qinnuteqartoq ilisimasaqassaaq.

Kalaallit oqaasiinut inuiaqatigiinnullu ilisimasaqarnissaq iluaqutaassaaq piumasaqaataananili.

Aningaasarsiassat atugassarititaasullu

Akissarsianut atugassarititaasunullu tunngasuni ilaavoq atorfininnermi soraarnermilu angalanissap pisattallu nuunnissaannut tunngasut, atorfininnerup nalaani atugassarisassat Namminersorlutik Oqartussat atorfinittullu kattuffiata akornganni isumaqatigiissutaasut malillugit aaqqiivigineqassapput.

Atorfimmut tunngatillugu sillimajuarnissamut matussutaasassapput qaammatit pingasut ingerlanerini akunnerit 80it nalingat. Sulineq sapaatip akunneranut akunnernik 40inik suliffigineqartartussaavoq. Atorfillu maannamut pisortanut isumaqatigiissutaasoq naapertorlugu LR 36miippoq.

Atorfimmut inissaqartitsisoqanngilaq. Qinnuteqartorli Namminersorlutik Oqartussat aqqutigalugit ineqartitaareeruni attartuinnarsinnaassavaa. Inigisarli atorfimmut atammat atorfeqarunnaarnermi qimanneqartussaassaaq.

Atorfik Nuummiippoq. Pinngortitamulli suliartornerit ataatsimiinnerillu peqqutigalugit angalasoqartarnissaa naatsorsuutigineqassaaq.

Artorfik pillugu sukumiinerusumik paasisaqarniaraanni attavigineqarsinnaavoq pisortaq Josephine Nymand +299 361200 aammalu jony(at)natur.gl aqqutigalugit.

Qinnuteqarneq:

Atorfik ugguuna qinnutigisinnaavat (LINK)

Qinnuteqarnissamut killissarititaavoq 18. februar 2024 nal. 24:00.