Eqalussuaq Avannarlernut tippussaasoq Saqqummersinneqarfia 14.12.2023

Biolog Daniel Estévez-Barcia eqalussuup saavaniittoq
Mathilde Le Moullec Daniel Estévez-Barcia'lu imaq ulitsinnagu eqalussuaq misissugassanik tigusiffiginiarlugu pilakkaat
Eqalussuaq tingorujussuaqarpoq, tassa imaappoq piaqqiornissaminut piareerluinnarsimasoq
Imaq uleqqitsinnagu eqalussuaq misissugassanik tigusiffigineqarpoq.
Eqalussuup niaqua peerneqarpoq
Eqalussuaq niaqoqarnanilu paperoqanngitsoq
Inuit arlallit Avannarliit sissaanut eqalussuarmik takuniaasimapput

Inuup ataatsip eqalussuaq imaaniittoq ataasinngormat Nuuk perluleruttormat imaani takusimavaa, ullullu tulliani Nuup nutaanngitsortaani Avannarlerni toqusimalluni tippussaaqqavoq.

 

– Qinngutersorlunga takoriataarakku malinnaavigaara Qernertunnguit/Nuutoqqap tungaanut ersigunnaanngikkuni kivinerata tungaanut. Takujuminaatsikkakku uumasoq pinnguarnersoq imaluunniit ilungersornersoq, Annie Busk Lennert, Pinngortitaleriffimmut assimik nassiussisut ilaat oqaasertaliisimavoq.

 

Biologit Pinngortitaleriffimmeersut sissaliarlutik imaq ulitsinnagu eqalussuarmik uuttortaajartorlutillu misissugassanik aallerfigaat.

– Eqalussuaq 4 meteringajalluinnarneq angissuseqarpoq. Arnaviaavoq kangerlummilu ningittagarsortunit toqutaasimanissaa ilimanarsinnaavoq, Daniel Estévez-Barcia oqaluttuarpoq. Paperua  kipineqarsimagami!

Eqalussuaq tingorujussuaqarpoq. Imaappoq kinguaassiornissaminut piareersimaleraluarsimasoq.

Daniel Estévez-Barcia isumaqarpoq eqalussuaq ukiut untritillit sinnerlugit utoqqaassuseqartoq.