*Required
*Required
*Required
*Required
*Required
*Required
*Required
*Required
Send
Thank you for your application!
 

Saattuat Sisimiut eqqaanniittut uuttortarneqartut Saqqummersinneqarfia 29.06.2021

Angalaqatigiit AnnDorte Burmeister-imik aqunneqarlutik angalanertik tamaat suliassanut assigiinngitsunut atorluarsimaqaat, saattuanik, saarullinnillu misissueriarlutik immap kissassusia, tarajoqassusia annertussutsiatalu oqimassusia uttortarneqartarput.

Sisimiut eqqaanni saattussanik misissuinerit paasissutissanik katersinissat siunertaraat, taamaalilluni Pinngortitaleriffik Sisimiut eqqaanni saattussat pillugit sinerissap qanittuani avataanilu saattuarniartoqarnissaanut siunnersuisinnaalerniassagami.

– Saattussanut misileraaffinni tamani pullatit 12-it aqqarneqartarput. Pullatillu akunnerni 16-iniit 24-it tikillugit immap naqqaniitinneqartarput, tamatuma kingorna pullatit qallortarpagut, sila sialleraluarpat, anorleraluarpat seqinneraluarpalluunniit apeqqutaatinnagu. Saattussat qallorneqareeraangamik misissuisarfinni laboratoriani suliarineqartarput Pinngortitaleriffiullu nalunaarsuiffianut nalunaarsorneqartarlutik. Taamaasilluta sumi qangalu aalisarneqarsimanersut naluneq ajorpagut, AnnDorte Burmeister oqaluttuarpoq.

Saattussat ataasiakkaarlugit tamarmik misissorneqartarput, taamaasilluta suiaassusiat, angissusiat, timaatalu qanoq issusiat nalilersinnaasaratsigu. Qaleruaat qanoq silissuseqarnersoq, pussuisalu (talerperliit) angissusiat uutttortarneqartarput nalilerneqartarlunilu saattussap qaleruaa aqinnersoq manngernersorluunniit, pussugutaallu nerpeqarluarnersoq nerpikinnersorluunniit aamma nalilersorneqartarput.

– Misissortarpaguttaaq angutivissat ”inuusuttuaraanersut” imaluunniit kinguaassiorsinnaanngorlutik angutivianngorsimanersut, arnavissat kinguaassiorsinnaanersut aammalu ataasiarlutik arlaleriarlutilluunniit manniliortarsimanersut. Ukiullu ilaanni saattussat plastikkinik nalunaaqutsertarpagut, takuniarlugu qanoq isorartutigisumut angalasarnersut, AnnDorte Burmeister oqarpoq.

Christian Joensen saattussap pussugutaanik uuttortaasoq

Inuk Grønvold Petersen-ip uuttortakkat paasissutissartaasa qarasaasiamut toqqaannaq toqqorneqartarnerat misissoraa

Sofie Ruth Jeremiassen saattuap qaleruaanik uuttortaasoq

Pullatit imaqarluartut karsimut imaarneqarput, karsimiittut tamavimmik misissorneqartussaammata.