Pinngortitaleriffiup Akiani Maniitsumilu tuttut 40-t satellitsikkut aallakaatitsissusersimavai Saqqummersinneqarfia 15.05.2008
Pinngortitaleriffiup Akiani Maniitsumilu tuttut 40-t satellitsikkut aallakaatitsissuserpai helikopterik-kut aprilimi majimilu sap. ak. marluk ingerlanerani. Tuttut ingerlaartarneri, aqqutinnaavi pinngor-titamillu atuinerat ukiut arlallit ingerlanerini misissuiffiginissaat siunertaavoq. Tamanna ALCOAp aluminiuliorfiliornissaanut atatillugu nukissiorfiliornerup kingunissai qanorlu iliuuseqarfigineqar-sinnaaneri nalilersorsinnaajumallugit pivoq.
Satellitsikkut aallakaatitsissutit nalinginnaasut 20-viupput, sinnerilu 20-t nutaamik misiliutaapput Iridium telefoni atorlugu aallakaatitsissutaasut. Taakku ukioq 2010-p naanissaata tungaanut satellitsikkut allakaatitsissasut naatsorsuutigineqarpoq. Satellitsikkut aallakaatitsissutit namminneq am-marnissaannut tuttuniillu katannissaannut aaqqinneqarsimapput.
Pinngortitaleriffiup Akiani Maniitsumilu tuttunniat qinnuigissavai tuttut satellitsikkut aallakaatitsissutillit aavarfiit nalaanni 2010 tikillugu piniaqqunagit. Satellitsikkut aallakaatitsissutit aappa-laartuugamik takujuminarlutik ilisarnartuupput.
Tuttut Air Greenlandip helikopteriutaannit pisarineqarlutillu nalunaaqutserneqarput Canadamiu cowboy-eq aammalu piniarnermut nakkutilliisoq Hans Mølgaard Sisimiuneersoq ikiortigalugit, suliamillu aqutsisuuvoq Christine Cuyler Pinngortitaleriffimmeersoq. Tuttup pisarinerata videoa uani takujuk (MPEG 2,6 MB)
Suliaq Pinngortitaleriffiup aammalu Danmarks Miljøundersøgelser suleqatigiissutigaat, misissuinermillu paasisat Norsk Institut for Naturforskning (NINA) suleqatigalugu nalilersorneqassapput.
Paasissutissat allat pissarsiarineqarsinnaapput attavigalugit Christine Cuyler, e-mail chris.cuyler@natur.gl Josephine Nymand, e-mail jony@natur.gl aamma Lars Maltha Rasmussen, e-mail lara@natur.gl. Tlf. +00299 36 12 12.
