*Required
*Required
*Required
*Required
*Required
*Required
*Required
*Required
Send
Thank you for your application!
 

Aarrit Canadamit Kalaallit Nunaannut ingerlaartarput uterlutillu

24. april 2009 Sven Heilmannip Maniitsormiup aaveq angutiviaq Isortup avannaatungaani sikuni ingerlaartuniittoq seqqumigut nalunaaqutalik pisarivaa. Tamatuma takutippaa aarrit Canadap Nunattalu akornanni siumut utimullu ingerlaartartut, nunanilu pineqartuni piniartut aaveqatigiit ataatsit piniagarigaat.

3. september 2007 aarrip nr. 41 aaveqatini ikkarlummeeqatigai Cumberland Soundimi Baffin Islandip eqqaani Canadami – 400 km miss. Sisimiut kitaani. Biologit taamani piniartut Sisimiuneersut Canadameersullu peqatigalugit aarrit nalunaaqutsersorpaat satellitsikkut aallakaatitsissutilersorlugit paaserusullugu Baffin Islandimi aarrit tassaanersut Kalaallit Nunaata kitaani upernaakkut piniarneqartartut.

Heilmannip aaveq pisarigamiuk nalunaaqutaa suli atavoq, satellistikkulli aallakaatitsissut katassimalluni. Nalunaaqutap uppernarsarpaa aarrit Baffin Islandimiit Nunatta Kitaanut ingerlaartartuusut.

Aarrit Sisimiut eqqaaniittut 2005-2008-mi satellitsikut aallakaatitsissutilerneqartut malinnaavigineratigut paasineqarpoq aamma nunatsinnit Canadamukartartut. Taamatut ilisimaneqalerpoq siumut utimullu ingerlaartartut, aammalu nunani pineqartuni piniartut aaveqatigiit ataatsit pinigarigaat.

Baffin Islandimi aasakkut 2007-imi sulineq, Kalaallit Nunaatalu Kitaani 2005-2008-mi nalunaaqutsersuineq ingerlanneqarpoq uku suleqatigiinnerisigut: Pinngortitaleriffik, Danmarks Miljøundersøgelser aammalu Department of Fisheries and Oceans, Canada. Suliaq ingerlanneqarpoq Sisimiunit, Pangnirtung-mit Qikiqtarjuaq-millu (Baffin Island) piniartut suleqatigalugit.