*Required
*Required
*Required
*Required
*Required
*Required
*Required
*Required
Send
Thank you for your application!
 

Aasianni GU-mi ilinniartut biologimi ingerlalluataavipput

Aasiaat GU-mi ilinniarnertuunngorniat biologeertartut iluatsitisunut ilaalluinnarput. Atuartitaanerminni pinngortitaq qanimut isummerfigisussanngortarpaat, soorlu maannakkutut ingerlatsinermut tunngasut immamut pinngortitamullu tunngasut taamaalioraat.

Martsip 10-ani 2009 arfernik ilisimatuup Malene Simon Pinngortitaleriffimmeersup GU-mi ilinniartut pulaarpai. Pulaarneranullu siunertaavoq arfernut tunngassutilinnik ilisimatusakkanik paasititsiniaassalluni. Tamassuma saniatigut ilinniartut nammineq misissukkaminnik ilanngussipput.

Naapeqatigiinnermi tassani oqallinnerit nuannersumik ingerlanneqarput. Ilaatigut aalisarnerup qipoqqaallu akornanni ajornartorsiutaasut qanoq aaqqiivigineqarsinnaaneri eqqartorneqarput, taamatuttaarlu arfanniarneq Kalaallit Nunaatalu nunanut allanut arfanniarneq pillugu pisussaaffii.

Malene Simon-ip ilinniartut biologimi sammisallit pulaaramigit imeqqutaallat Kitsissunnguaniittut pillugit paasititsiniaanermut eqqissisimatitaanermullu tunngassutilinnik suliaqartut siumorpai.

Ilinniartut imeqqutaalaq pillugu saqqummiussassaminnik plakatiliortiterput allagartarsualiorlutik, Qeqertarsuup tunuani illoqarfinni saqqummersitsinermut angalaartussamut atugassanik.

Atuarfik ulapaarfioqaaq biologimilu atuaqatigiit Malene Simonillu akornanni oqallinneq ingerlalluataavippoq, ilaatigut ilinniarnertuunngornianit allanit saqqummersitsinissap isikkussaanik aaqqissuisunit iluarinaannartumik akornuserneqartarlutik eqqartuiartortunik. Tupaallaattaanerpaajuvorli atuaqatigiit allat kusanartorsuarnik atisalersorsimariarlutik qilaatersortorsuullutik biologeertartut iserfigeriasaarmatigit.