*Required
*Required
*Required
*Required
*Required
*Required
*Required
*Required
Send
Thank you for your application!
 

Ilisimatusartartoq Pinngortitaleriffimmiu nunat tamalaanit peqataaffigineqartumi assiliinermik unammisitsinermi ajugaasoq

Carsten Egevang, Pinngortitaleriffimmi ilisimatusartartutut atorfilik ullumi 22. oktober nunarsuarmi assiliisartunut unammisitsisarnerit nuimanerpaartaanni annersaannilu pinngortitami assiliisartut akornanni ajugaavoq The Veolia Environment Wildlife Photographer of the Year, immikkoortumi ”Wild Places”, pinngortitat inunnit sunniivigineqarsimanngitsut.

Unammisitsinermi assiliisartunit 43.000 sinnerlugit aammalu nunanit 94-init peqtaaffigineqartumi immikkoortut 11-t unammissutigineqarput. Ajugaasut ukiut tamaasa pisartutut Natural History Museum, Londonimi suaarutigineqarput.

Assilisaq ajugaassutigineqartoq taaguuteqarpoq ”Big fjord, little auks”, Tunumilu Ittoqqortoormiit kangerluani ;assilisaalluni. Tassani Carsten Egevang Pinngortitaleriffimmit suleqatini peqatigalugit appaliarsuk qitiutillugu timissanik misissuipput.
”Maani aasami pinngortitaq tupinnarluinnartuuvoq. Appaliarsuit kangerlummi piaqqiortarput, ullullu ingerlanerani piffissaq aalajangersimasumi ataatsikkorsuaq neriniartarfimminnut ingerlaartarput. Taamatut timmissat kangerluup paavani uninngaffitsinni akunnermut ataatsimut naatsorsussagaanni millionip affakkaarlutik saneqquavaatigut – timmissat taamatut akunnerit arlallit ingerlaarput” Carsten Egevang oqarpoq.

”Biologisut sulininni pinngortitaq nunarsuarmi minguinnerpaaq inunnillu sunniivigineqannginnerpaaq suliffigisarpara, inuuffigalugu sivisuujaakkaamik. Taamatut periarfissinneqartarpunga pinngortitami pisut soqutiginartut imaluunniit qaamaneq assiliisumut pitsaasoq naammattuussallugu” nangippoq Carsten Egevang. Biologisut sulinermi saniatigut aallarnisarsimavaa ingerlataralugulu Kalaallit Nunaannit assilisanit bureau arc-pic.com

Carsten Egevang nunani issittuni timmissat ilisimatusaatigai Namminersorlutik Oqartussanit atorfeqarluni, maannali Qallunaat Nunaannut utersimavoq ukiut arfinillit nunatsinni najugaqareerluni.
Pinngortitaleriffiup nittartakkakkut quppernerat Carsten Egevangip assilisaanik assitaqartiterpoq.

Attavigiuk: Carsten Egevang tlf. +45 20788099 imaluunniit mail

Carsten Egevang.