*Required
*Required
*Required
*Required
*Required
*Required
*Required
*Required
Send
Thank you for your application!
 

Nunarsuarmi tikaagulliit avannarlersaat? Saqqummersinneqarfia 31.03.2009

Nunarsuarmi nunaqarfiit avannarlersaanni Siorapalummi, Qaanaap avannannguaniittumi siorna 2008-mi augustimi tikaagullik pisarineqarpoq.

Qaanaami erhvervschefi Masauna Petersen oqaluttuarpoq tikaagulliit marluusut aappaa aarlunnit saassunneqarsimasoq, aappaalu nunaqarfiup piniartuinit pisarineqarsimalluni.

Aalisarnermut, Piniarnermut Nunalerinermullu Aqutsisoqarfimmit Ole Heinrich malillugu tikaagullik taanna Kalaallit Nunaanni aatsaat taama avannarpasitsigisumi pisaasimasoq, taamaalillunilu nunarsuarmi tikaagullinnit avannarpasinnerpaami pisaasimalluni.

Norskit arfanniartartui avannarpasissorujussuarmi Svalbardimi sikup sinaa tikivillugu piniartarput. Ukiuni makkunani uumasut taamatut avannarpariartuinnarnerannut immap kissarnerulersimanera pisuussutaasssangatinneqarpoq. Ilaatigummi aalisakkat nutaat Kalaallit Nunaannut takkuttalersimapput. Immap kissarnerulernera klimap allanngoriartornerata kinguneranik annertunngikkaluartumik kiannerulaalerneratigut takusinnaaligarput issittumi pinngortitamut annertoorujussuarmik sunniuteqalersussaavoq.

Attavissaq: Fernando Ugarte, Pinngortitaleriffik.