*Required
*Required
*Required
*Required
*Required
*Required
*Required
*Required
Send
Thank you for your application!
 

Nuummi meeqqat atuarfiani atuartut “silap ullua”-tut Pinngortitaleriffimmi

Atuartut 60-it Nuussuup Atuarfiani aamma Atuarfik Samuel Kleinschmidtimi 8. aamma 9. klassineersut Nuummi Pinngortitaleriffimmiipput 19. november 2009. Pinngortitaleriffimmi silap pissusiata allanngornerinik kingunerinillu ilinniartinneqarput, aammalu biologit suleriaasiat misilittarlugu.
Silap Pissusianik Ilisimatusarfiup Inerisaaviullu silap pissusianik ilinniartitsinissaq aaqqissuuppaat atuartut ilinniartitsisuisalu nunarsuarmi nunatsinnilu silap pissusiata allanngornerinik kingunerisaanillu paasisaqarnerunissaat siunertaralugu. Atuartut aamma nunatta imartaanik klimamut tunngatillugu nakkutiginninneq paasisaqarfigaat.

Inuusuttut laboratoriani suleriaatsinut ilitsersuunneqarput aammalu namminneq biologit suliarisartaagannik misiliillutik, ilinniartitsisoralugit Silap Pissusianik Ilisimatusarfimmi Pinngortitaleriffimmiillu imaq pillugu ilisimatuut.
Atuartut biologisut sulinerminni aalisakkat oqimaalutarlugillu uuttortarpaat, aamma saarullinnit suluppaakkanillu misissugassanik tigooqqaallutik. Mikroskop atorlugu aalisakkat siunnaat aallaavigalugit aalisakkat utoqqaassusilersorpaattaaq.

Immami uumassusillit mikisuaqqat pingaaruteqarnerat paasisaqarfigaat aammalu namminneq taakku mikroskopimi misissuiffigalugit.

Atuartuttaaq naasuni fotosyntese sunaanersoq ilinniarpaat, namminnerlu aamma karsiaraq biologit pinngortitami suligaangamik atortagaat atorlugu fotosyntese uuttortarlugu.

Imarmut biologip Kristine Arendtip atuartut imarmi uumassusillit mikisuaqqat pillugit oqaluttuartoq.

Imarmut biolog Thomas Juul-Pedersen silap pissusiata allanngornerinik ilinniartitsisoq.