*Required
*Required
*Required
*Required
*Required
*Required
*Required
*Required
Send
Thank you for your application!
 

Nunani Issittuni ilisimatusarneq pillugu naapinneq

Pinngortitaleriffik aamma Silap Pissusianik Ilisimatusarfik Arctic Science Summit Week-imi Katuami 15. – 18. aprilimi ingerlanneqartumik aaqqissueqataallutillu peqataapput.  ASSW ukiut tamaasa pisarpoq, tassani nunani assigiinngitsuni suliniuteqarfiit kattuffiit issittumi ilisimatusarnermik tapersersuisut naapeqatigiittarlutik, ukioq mannalu Kalaallit Nunaanni Namminersorlutik Oqartussat aaqqissuutamik ingerlatitsiffiupput.

”Naak ilisimatuutut ataatsimiinnerunngikkaluartoq, tassaagamimi niueqatigiinnikkut ataatsimiinnerugami, taamaattoq ASSW kalaallit ingerlatsiviisa massakkorpiaq ilisimatusarnikkut suliniutaannik nunanit assigiinngitsuneersunut saqqummiussinissamut periarfissiilluarpoq”, Kalaallit Nunaata Silap Pissusianik Ilisimatusarfiup pisortaa Søren Rysgaard oqarpoq. ”Peqatigitillugulu kattuffiit assigiinngitsut ataqatigiissaakkamik ataatsimiittarneri uagutsinnik asseqanngitsumik periarfissiilluarput isumalluutitsinnik pitsanngorsaallutalu eqikkaanissatsinnut. Issittumi ilisimatusarneq akisuujuvoq taamaattumillu, assersuutigalugu ilisimasassarsiornerit aammalu umiarsuatta ilisimatusaatit suliassaasa ataqatigiissaarnerat uagutsinnut asseqanngitsumik qujanarpoq.”

Søren Rysgaard ilaatigut Artic Science Board-ip ataatsimiinnerani peqataasoq IAPP-mi siulittaasoq Jody Deming sinnerlugu nunat assigiinngitsut ilisimatuuisa suleqatigiissuut aakkarnersuaqarfinnik sammisallit suliaasa inernerinik siunissamullu pilersaarutinik saqqummiivoq. Tamatuma saniatigut saqqummiissapput:

  • Søren Rysgaard-ip Kalaallit Nunaanni Silap Pissusianik Ilisimatusarfiup suliai iliuusaalu nutaat tamanut ammasumik sapaammi 18. april saqqummiutissavai
  • Misissuisuuneq Naja Mikkelsen, GEUS, oqalugiassaaq klimap allanngornerisa Ilulissat kangerluannut sunniutai pillugit
    Misissuisuuneq Morten Rasch, Silap Pissusianik Ilisimatusarfimmeersoq/DMU-meersoq oqalugiassalluni Tunup avannaarsuarni Zackenberg-imi misissuilluni nalunaarsuinissamut pilersaarut pillugu oqalugiassalluni.
    Daniel Thorleifsen inuiaqatigiinnut tunngatillugu ilisimatusarnerup Kalaallit Nunaanni siunissami pisariaqartinneqarnera periarfissaalu pillugit oqalugiassaaq.

ASSW kattuffiit makkua suleqatigiiffigaat: International Arctic Science Committee (IASC), Arctic Ocean Science Board (AOSB), European Polar Board (EPB), Pacific Arctic Group (PAG) aamma Forum of Arctic Research Operators (FARO). Ataatsimiinnerup nunat assigiinngitsut akunnerminni issittumut tunngatillugu ilisimatusarnerit assigiinngitsut tamakkerlutik ataqatigiissaarneqarlutillu suleqatigiinnissaat siunertaraa. lisimatuut 70-it missingi nunarsuarmit tamarmeersut ataatsimiinnermut peqataapput.