Issittup unnuaani tiinganerup erinarsuutaa Saqqummersinneqarfia 09.12.2010
Nutaamik ilisimatusarnerup Issittup imartaanni itisuuni tikaagulliusaat asannillutik pissusilersuutaasa ilaat qulaajarpaa. Arfernik ilisimatusartoq Malene Simon Pinngortitaleriffimmeersoq tusarnaarsimavoq.
Ukiuni marlunni arferit erinarsortarnerat immiuttarsimavavut angusallu ersaripput. Siusinnerusukkut isumaqartarsimavugut tikaagulliusaat arfertulli allatut soqqalittut maajip qaammataani Issittumut pisartut septembarillu missaani kujavaqqittartut. Immiussatta paasinarsisippaat tikaagulliusaat decembarip naanera tikillugu Davisip Ikerasaaniittartut aamma immiussat paasinarsisippaat Issittumi unnuat taartut arfernit qanoq atorneqartarnersut, Malene Simon qungujuppoq.
Immap naqqani mikrofonit
Nutaamik ilisimatusarnerup Issittup imartaanni itisuuni tikaagulliusaat asannillutik pissusilersuutaasa ilaat qulaajarpaa. Arfernik ilisimatusartoq Malene Simon Pinngortitaleriffimmeersoq tusarnaarsimavoq.
Ukiuni marlunni arferit erinarsortarnerat immiuttarsimavavut angusallu ersaripput. Siusinnerusukkut isumaqartarsimavugut tikaagulliusaat arfertulli allatut soqqalittut maajip qaammataani Issittumut pisartut septembarillu missaani kujavaqqittartut. Immiussatta paasinarsisippaat tikaagulliusaat decembarip naanera tikillugu Davisip Ikerasaaniittartut aamma immiussat paasinarsisippaat Issittumi unnuat taartut arfernit qanoq atorneqartarnersut, Malene Simon qungujuppoq.
Immap naqqani mikrofonit
Ukiut sisamat matuma siorna arfernik ilisimatusartoq Malene Simon aamma Washington Universitetimi Århus Univerversitetimilu suleqataasa pingasuusut Kitaata aamma Canadap akornanni Davisip Ikerasaani arferit erinarsortarnerat immiunniarlugit immap taassuma naqqanut mikrofonit immikkut ittut pingasut inissippaat. Piffissami tamatumani tikaagulliusaat 4000-it sinneqartut immamut nerisassarsiorlutik tassunnartartut nalunngilaat. Kisianni arferit tamakku qanoq sivisutigisumik sumiiffimmi tassaniittarnersut nalullugu.
Periutsit allatut ittut atorneqartariaqarput
Tikaagulliusaat nalinginnaasumik sinerissap ungasissuini sumiiffinni silarlukkajuttuni sikulimmiittarput, taamaattumillu malinnaaffigineq ajornartarlutik. Taamaattumik ilisimatusartut periutsit allatut ittut atorpaat. Amerikamiut ilisimatusartut immap sarfaasa allanngorarnerat misissorniarlugu Davisip Ikerasaa tukimut ikaarlugu ukiut tamaasa imarpinni uuttortaatinik puttaqutinut inissiisarnerat iluatsillugu nipinik uuttortaatinik inissiinissaminnut periarfissarsigamik Malene Simon suleqataalu akuersipput.
Naalaarput
Tikaagulliusaat nipinik assigiinngitsunik akuttussusilinnik sivikitsunillu aggersaallutik nipiliortarput. Taamatut aggersaasarnerat ima nipitutigisarput allaat arferit 100 kilometerit sinnerlugit imminnut ungasitsigalutik imminnut tusaasinnaallutik. Tikaagulliusaat ukioq naallugu erinarsortarput kisiannili nuliarfiup nalaani erinarsortarnerat immikkut nipitunerusarpoq, taamatullu angutivissat arnavissanik ussassaaralutik erinarsortarput.
Naalaaqataarusuppit?
Downloaderuk tikaagulliusaap nipaa ugguuna
Nipi: Tikaagulliusaat erinarsortarnerat qatitoruttormat inuit tusaasinnaanngilaat. Uani tikaagulliusaap erinarsuutaa 16-eriaammik sukkatsillugu tusarnaarsinnaavat. Tikaagulliusaaq akulikisuasumik nipeqarpoq maligaasakinnerusumillu tillerneqarluni. Uani assimi, spektogramimik taneqartartumi, qanoq isikkoqarnersoq takusinnaavat .