Uumasut pillugit ilinniagallit, aalisartut piniartullut suleqatigiinnerat pitsaanerulerli Saqqummersinneqarfia 18.10.2010

Pinngortitaleriffiup siulersuisuisa  kingullermik ataatsimiinnerminni uumasut pillugit ilinniagallit, aalisartut piniartullut qanoq suleqatigiinnerat pillugu oqaluuserisaqarpoq. Ullumikkut annertuumik suleqatigiittoqareerpoq, tamannalu suleqatigiinneq  paasiniaaqqisaarnermi misissueqqissaarnermilu suliaqarsinnaanermut ingerlatsinermut tunngaviuvoq.Suleqatigiinneq suli pitsanngorsarneqarsinnaavoq suliassanik  tigussaasunik ataatsimoorluni pilersaarusioqatigiittarnikkut, aalajangiunneqarporlu pilersaarusioqatigiilluni suleqatigiittarnissanik  siuarsarnissat Pinngortitaleriffiup KNAPK-llu suleqatigiinnissamik isumaqatigiissutaasa iluniittoq.

Uumasut pillugit ilinniagallillu sumiiffinni assigiinngitsuni ilisimasallit suleqatigineqarsinnaanerannut apeqqut aamma oqaluuserisanut ilaavoq. Aalisartut piniartullu ilisimasaat Pinngortitaleriffimmi sulisut ataqqilluinnarpaat, tamannalu anguniartuarluguilisimatuussutsikkut tunngavissaqaraangat. Sumiiffinni assigiinngitsuni ilisimasat atorluarnissannut periarfissat pingaarnersaraat pisanik tamakkiisumik  eqqortumillu  nalunaaruteqartarneq, taamaammat Pinngortitaleriffimmi siulersuisut uumasut pillugit ilinniagallit, aalisartut, piniartullu ataqqeqatigiillutiksuleqatigiiinniissaat kaammattuutigaat atorluaqqullugulu.