*Required
*Required
*Required
*Required
*Required
*Required
*Required
*Required
Send
Thank you for your application!
 
Slider

Pinngortitaleriffiup angallataasivittaava Saqqummersinneqarfia 19.06.2012

Pinngortitaleriffiup Poorsimaani Nuummi talittarfimmi 19. juni 2012 angallataasivik inissiivillu nutaaq atoqqaarfissiorsinnaanngorpaa. Angallataasivittaaq pilersinneqarpoq Aage V. Jensenip aningaasaateqarfiata 7,5 mio.kr.-inik tunisinera, Namminersornerullutillu Oqartussat toqqaviata suliarineranut sanaartorfigiuminarsarnaranullu aningaasaliinerat iluaqutigalugit. Kommuneqarfik Sermersuup suleqatigineratigut umiatsianut amoortaat angallataasiviup sanianiittoq tamanut atorneqarsinnaasoq pilersinneqarpoq.

Angallataasivik 220 kvm-nik angissuseqarpoq, saniatigut illup qutsissortaani inissiivissaq 93 kvm-nik angissusilik ilanngukkaanni tamakkerluni 425 kvm-nik angissuseqarluni. Angallataasivik Pinngortitaleriffiup angallataannik minnerusunik, gummibådinik assigisaannillu ukiukkut imaqartassaaq. Iigartaani pallenik reoleqarpoq, ilisimatusarluni misissuinerni atortussanik inissiiviusinnaasunik. Saniatigut illu sulliveqarpoq, allaffik uffarfillu, angallatinik atortunillu aserfallatsaaliuineq illup iluani aamma ingerlanneqarsinnaaniassammat. Amoorut ninngusooq angallatinik talittarfimmiit illumut ningitsisinnaavoq.

Angallataasivik imarsiortartorpalaamik isikkoqarpoq qisunnik usserutitalinnik sanaajulluni, Pinngortitaleriffiullu illuutaanut allanut tulluarluni. Angallataasivik Pinngortitaleriffiup suliassaanut amerliartortunut initaliivoq, ilisimatusarluni misissuinerni atortussanut akisuunut utaqqiisaarutaasumik toqqorsivittut atorfissaqarluni.

Angallataasivik suliffeqarfinnit ukunanit Nuumminngaanneersunit suliarineqarpoq:

Arkitekti ApS: Suliap aallartisarnera, ilusilersuineq atortulersuinerlu

Qarsoq tegnestue ApS: Sananermi aqutsineq suliallu nakkutiginerat

Inuplan A/S: Ingeniørprojekti suliallu nakkutiginerat

Larsen og Co. A/S: Nunataata suliarinera

Nurepa ApS: Betonngilerisut

BJ Entreprise A/S: Sanasut qarmaasullu

Grønlands VVS ApS: VVS-ilerisut

Burmeister El-teknik ApS: Sarfalerisut

Malerfirmaet Arnskov: Qalipaasut

Pinngortitaleriffiup angallataasivittaava talittarfiup tungaani Poorsimaani, Nuuk. Ass.: Klaus Nygaard

Verified by ExactMetrics