*Required
*Required
*Required
*Required
*Required
*Required
*Required
*Required
Send
Thank you for your application!
 

Appat pillugit innuttaasunik ataatsimiititsinerit

Atorfilittat aqutsiveqarfimmeersut Avannaani sapaatip akunnerani tullermi innuttaasunik ataatsimiititsisaqattaalerpata Pinngortitaleriffimmeersoq timmissat pillugit biologi Aili Lage Labansen peqataasassaaq. Innuttaasunik ataatsimiititsinissat pissapput Ilulissani 13. maj, Upernavimmi 15. maj kiisalu Aasianni 17. maj 2013, taamaaliortoqarnissaanillu aaqqissuisuuvoq Aalisarnermut, Piniarnermut Nunalerinermullu Naalakkersuisoqarfik.

Innuttaasunik ataatsimiititsinerni ilaatigut sammineqassapput piniarsinnaanermik allagartalersuisarnerit, piniarnernit nalunaarsuisarnerit kiisalu appat timmissallu mianerineqarnissaat anguniarlugu immikkoortut.

Innuttaasunik ataatsimiititsinissanut peqataatitaqarnissamik Pinngortitaleriffimmeersut aalajangerput pingaartumik nunatsinni appanut tunngassutillit pillugit. Tassami paasissutissat kingulliit takutippaat Kalaallit Nunaanni appat ineqarfiini amerlanerpaani appat aarlerinartumik ikiliartortut. Ineqarfiit angisuut Qaanaap eqqaaniittut kisiartaallutik ukiuni kingullerni qulini ikiliartorfiusimanngillat.

Kalaallit Nunaanni appanut tunngatillugu killiffissiuinermi nutaarsiassaq kingulleq tassaavoq Qeqertarsuup Tunuaniittoq appat ineqarfiat taaguuteqartoq Innaq appaarutivinnissaminut aarlerinartorsiorfiusorujussuusoq.

Aamma Upernaviup eqqaa ajornartorsiorfiuvoq. Appat ineqarfii Upernaviup kujataatungaaniittut ukiut qulikkaat arlallit ikiliartorfiorujussuareerlutik suli mianernartorsiorput. Kiisalu Kalaallit Nunaanni appat ineqarfiisa annersaat ilaat, Upernaviup avannaaniittoq Apparsuit, kingullermik appanik kisitsisoqarnerani malunnaateqartumik ikileriarfiusimasoq paasineqarpoq.

Taamaattumik appat pillugit peqqissaarussamik paasissutissiilluarnissaq aammalu qanoq iliornikkut appat ikiliartorunnaarsinneqarsinnaanerat anguneqarsinnaanersoq oqallisigissallugu pingaaruteqartorujussuuvoq.

Innuttaasunik ataatsimiititsineq (PDF)