Naalakkersuisortaaq Pinngortitaleriffimmut alakkarterivoq Saqqummersinneqarfia 18.04.2013
Assimi: Pinngortitaleriffiup pisortaa Klaus Nygaard Miiti Lynge-mik takornariartitsivoq. Asseq: Fernando Ugarte.
Ineqarnermut, Avatangiisinut Pinngortitamullu Naalakkersuisortaaq Miiti Lynge aamma Pinngortitaleriffiup suliassaqarfiinut politikkikkut akisussaasoq Pinngortitaleriffimmut 17. april 2013 pulaarpoq suliffeqarfiullu suliassaqarfiinut tunngassuteqartunik nassuiaanneqarluni. Pinngortitaleriffimmi pisortaq Klaus Nygaard suliffeqarfiup kalaallinut inuiaqatigiinnut atortinneqarneranik akisussaaffeqarfiinillu kiisalu suliassaqarfiit Danmarkimiit Kalaallit Nunaannut 1995-imiit nuunneqarnerisa kingorna ineriartortitsisimaneq pillugu nassuiaateqarpoq.
Tamatuma kingorna Miiti Lynge atorfilittaalu Pinngortitaleriffimmi takornariartinneqarput.
Miiti Lynge qanittukkut ikkussorneqartut tappiorannartuusaliat eqqaanni. Asseq: Fernando Ugarte.
