Issittumi uumassuseqassutsip assigiinngisitaarneranik ilisimasat qiterpiaat Saqqummersinneqarfia 01.04.2014
Allattoq: MiKv
Issittumi uumassuseqassutsip assigiinngisitaarnera pillugu nalunaarusiarsuaq, uumassusilerinermi ilisimasanik katersaateqarfittut isigineqarsinnaasoq nunatsinni piffissami matumani sammisaavoq – ilisimatusartartut Pinngortitaleriffimmeersut suliarujussuarmi allaqataanikuupput
Allattut: Kristin Laidre, Henrik Lund aamma Emma Kristensen, Pinngortitaleriffik.
Nalunaarusiarsuaq nunarsuaq tamakkerlugu pinngortitamik avatangiisinillu aqutsisunit ilisimatusartartunillu sulinerminnut atatillugu maannamiit qiviallakaallugulu innersuussutigisassaqqoorpaat. Quppernernik 700-it missaannik qupperneqarluni kimulluunniimmi Issittumi uumassuseqassutsip assigiinngisitaarneranik bakteerissaniit uumasut annerpaartaannut itinerusumik paasisaqarusuttumut imarisaatigut avaqqukkuminaassaaq.
