*Required
*Required
*Required
*Required
*Required
*Required
*Required
*Required
Send
Thank you for your application!
 

Kalaallit Nunaanni ilisimatusarnerit millionilikkaanik aningaasaliiffigineqarput

Nunatsinni ilisimatusarnermik siunnersuisooqatigiit ilisimatusaatini assigiinngitsuni nunatsinnut attuumassuteqartuni siuarsaaniarlutik aningaasaliissutinik agguaapput. Ph.d.-stipendienut ukiuni pingasuni ingerlasussanut post doc stipendienullu ukiuni marlunni ingerlasussanut aningaasaliisoqarpoq. Stipendienut arfiniliusunut qinnuteqartut 23-usimapput.

Ph.d.-stipendienik ukiunut pingasunoortunut pissarsipput Naimah Hussain, taassuma inuiaqatigiinni angigisassaanngitsuni tusagassiornikkut atugassarititaasut misissussavai aallaaviussallutik Kalaallit Nunaanni pissutsit, Rasmus Nørregaard, taassuma aatsitassarsiorfinnik ingerlatsinerit kingunerisinnaasaannik eqallit kanassullu aatsitassanik arrortikkuminaatsunik akoqalersinnaasarnerat misissuiffiginiarpai, Mikaela Augustussen, taassuma kalaallit kræftimik nappaateqaleraangamik nakorsarneqarnerminni pisariaqartitaat iliuuserineqarsinnaasullu suuneri misissuiffiginiarpai kiisalu Malene Demant taassumalu nunatsinni meeqqat inuusuttuaqqallu akornanni maqititsilluni siuserisarnerit tusillartarnerillu imminnut attuumassuteqarsinnaanerat misissuiffiginiarpai.

Postdoc-stipendienut ukiuni marlunni ingerlanneqartussani aningaasaliiffigineqarput Rikke Becker Jacobsen, taassuma ilisimatusarfigissavaa nunatsinni aalisarnerit assigiinngitsut MSC meqqilersuisarnernut, silap pissusiata allanngoriartorneranut aningaasartuutikillisaanernullu naleqqussariartuaarnerat aammalu Christina Larsen, taassuma nunatsinni tarnikkut atukkat atornerluisuusutullu inissisimasarnerit attuumassuteqarsinnaanerat ilisimatusaatigalugu misissuiffiginiarpai.

Ilisimatusarnissanut aningaasaliissutaasartut Pinngortitaleriffimmit aqunneqarput, taakkununnga danskit naalagaaffiat 7,2 mio. koruuninik Namminersorlutillu Oqartussat 2,1 mio. koruuninik aningaasaliissuteqartarput.

Itinerusumik paasisaqarusunnermi saaffigisassaq:

Pinngortitaleriffimmi pisortaq Klaus Nygaard oqarasuaat 36 12 00 imal. mail: nygaard@natur.gl