Nunarsuarmi silap pissusiisa allanngoriartornerat pillugu Nunat Avanaarlit isumaqatigiinniartartui Kalaallit Nunaanni silaannaap pissusiinut tunngasunik misissuinermik saqqummiussiffigineqarput. Saqqummersinneqarfia 25.08.2014
Assimi: NOAK-mi suleqatigiit Kangerluarsunnguami. Pinngortitaleriffiup Avatangiisit Aatsitassallu pillugit immikkoortuani pisortaq Josephine Nymand misissuineq pillugu oqaluttuarpoq. Assiliisoq: Peter Bondo Christensen.
Silap pissusiinut ministerip Rasmus Helveg Petersensip Nuummi tikeraarneranut malitsigitiinnarlugu Avatangiisit Pinngortitarlu pillugit Naalakkersuisoqartfik, Nunarsuarmi silap pissusiisa allanngoriartornerat pillugu Nunat Avannarliit isumaqatigiinniartartuisaa (NOAK) ataatsimiinneranni qaaqqusisuuvoq. Ataatsimiinneq Pinngortitaleriffimmi ingerlanneqarpoq.
Isumaqatigiinniartartut pingaarnertut anguniagaat tassaavoq nunarsuaq tamakkerlugu silaanaap pissusiinut pituttuisumik annertuunillu angunigaqarfiusunik isumaqatigiittoqarnissaanut paasissutissanik pilersueqataassallutik. Taamaammat pissusissamisoorluinnarpoq Pinngortitaleriffimmi sulisut qaaqquneqarmata oqaluttuartinneqarlutik, ukiuni arfineq-marlunngortuni Kangerluarsunnguami misissuivimmi silaannaap pissusinut tunngasunik ilisimatusarsimanitik pillugit.
Isumaqatigiinniartartut pingasunngormat misissuivimmut tikeraarput, tassani immikkoortortami pisortamit Josephine Nymandimit GEM-imi (Greenland Ecosystem Monitoring) sulianik oqaluttuunneqarlutik. GEM tassaavoq pilersaarut suliat akimorlugit missuiffiusoq annertooq, tassani misissugarineqarlutik silaannaap allanngoriartorneranik tunngaveqartumik immami nunamilu uumasoqatigiinnut sunniutaasut. Misissuiffiupput Nuuk aamma Zackenberg (Tunumi).
Suliarineqartartut saqqummiunneqareermata Nunat Avannarlerni suleqatigiit periarfissinneqarput uuttortaanerit qanoq ingelanneqartarnerannik aamma paasisat sumiiffimmi qanoq katersorneqartarinerinik takunnissallutik. Pinngortitami kusanaqisumi saqqummiussisoqareermat suleqatigiit paasisaqarumaqisut apeqqutissaaleqinngeqaat – naak ippernat aamma allatut misigisaqarusuttut ikigisassaanngikkaluartut.
