*Required
*Required
*Required
*Required
*Required
*Required
*Required
*Required
Send
Thank you for your application!
 

Silap pissusianut ministerip Rasmus Helveg Petersenip Pinngortitaleriffik pulaarpaa

Assimi: Pinngortitaleriffiup saqqummersitai Josephine Nymandimit Rasmus Helveg Petersenimut nassuiarneqarlutik misissuataartinneqarput. Assiliisoq: Peter Bondo Christensen

Silap pissusianut, nukissiuuteqarnermut illuuteqarnermullu ministeri Rasmus Helveg Petersen ulluni makkunani Nunatta Kitaani angalaarpoq, marlunngornermilu 19.08 Inuussutissarsiutinut, Aatsitassanut aamma Suliffissaqartitsiniarnermut Naalakkersuisoq Jens-Erik Kirkegaard Kalaallit Nunaanni aatsitassarsiornerup ineriartornissaanut  suleqatigiinnissamik nutaamik atsioqatigalugu.

Tamatuma kingorna danskit ministeriata Pinngortitaleriffik pulaarpaa, tassani malitsinilu Josephine Nymandimit illuutini angalaarunneqarlutik.

Pinngortitaleriffiup sulisuin ik arlaqartunik ataatsimeeateqarnermini ministeri Pingortitaleriffiup suliasaanik assigiinngitsunik ilisimatinneqarpoq aamma Issittup allanngoriartortup Pinngortitaleriffimmut Kalaallit Nunaannullu unammisassartai ilaatigut saqqummiunneqarlutik.

Nunami oqartussaasunik sullissinermi Naalagaaffeqatigiinnerullu iluani nalunaarsuisarnermi suleqatigiinnerup annertusarneqarnissaanik periarfissat pillugit ministeri ataatsimeeqataasullu oqallipput. Isumaqatigiissutigineqarpoq siunissami suleqatigiinnissami nalunaarsuisarneq pingaaruteqartoq Pinngortitaleriffiup suleqataaffigisaa siunissami silap pissusianik ilisimatusarnermi pingaartutut inissisimasariaqartoq.

Ilanngullugu eqqartorneqarpoq issittumi ajornartorsiutaasinnaasunik suliaqartut tamarmik, sullissisut pioreersut, tassalu nunap illersornissaanik suliaqartut, namminersortut aamma oqartussaasut, qanoq annertunerusumik atorluasinnaanersut.