Tunup imartaani qilalukkat qaqortat qernertallu misissorneqarnerat Saqqummersinneqarfia 05.03.2015

Inatsisartuni ilaasortaq Inuit Ataqatigiinneersoq Iddimanngiiu Bianco § 37 apeqquteqaatikkut Naalakkersuisut aperai Tunup imartaani qilalukkanik qaqortanik qernertanillu kisitsinialersaartoqarnersoq aammalu Naalakkersuisut tappavani qilalugartassiissutinik qaffaanialersaannginnersut? Apeqquteqaammut Aalisarnermut, Piniarnermut Nunalerinermullu Naalakkersuisoqarfik akisussaavoq, tassungalu atatillugu Naalakkersusoqarfiup Pinngortitaleriffik akissuteqaatissamut tapiliusassamik suliaqaqqullugu saaffigaa. Pinngortitaleriffiup tapiliusassiaa maanna nittartakkami matumani atuarneqarsinnaanngorpoq.