*Required
*Required
*Required
*Required
*Required
*Required
*Required
*Required
Send
Thank you for your application!
 

Issittumi ilisimattorsaatissanut aningaasaliissutit agguaanneqarput

Nunatsinni Ilisimatusarnermik Siunnersuisoqatigiit Ph.d-niartunut marlunnut aammalu Post doc-ertussanut marlunnut 6 million koruunit aningaasaliissutigaat.

Siunnersuisoqatigiit siulittaasuat, lektor Gitte Adler Reimer, oqarpoq ilisimattorsaatissanut aningaasaliissutit ukiormanna agguaanneqartussat agguaanniarnerat imaannaanngivissimasoq, piukkunnaatilippassuimmi 17-it aningaasaliiffigineqarnissamik qinnuteqarsimammata. Aningaasaliiffigineqarnissamik qinnuteqartut akornanni toqqaaniarnermi qinnuteqartut piginnaasaat kisimi aallaavigineqarani aamma qinnuteqaatit Nunatsinni ilisimasanik qaffassaanermut kiisalu qallunaat-kalaallillu ilisimatusarnikkut suleqatigiissuteqartarnerinut siuarsaataanissaattaaq qulakkeerniarlugu aaliangiivigineqarsimapput.

Ilisimattorsaatissanut aningaasaliissutit ilisimatusariaatsinut assigiinngitsunut agguaanneqarput, ukulu aningaasaliiffigineqarlutik:

Rebecca Bergip umimmaat akornanni nappaataasartunik misissuinissaanut, uumasullu nujuartat peqqissusiannik aammalu uumasut nujuitsut inunnik tunillaasinnaanerinik misissuinissaanut aningaasaliisoqarpoq. Ph.d.-nngorniutissaq Københavnip Universitetiata Pinngortitaleriffiullu ataanni ingerlanneqassaaq.

Paneeraq Noahsen, toqqusaap torluullu akornanniittup qinersip nappaataanik misissuinissanut aammalu kalaallit timaasa namminneerlutik illersorsinnaassusiannut tunngassuteqartunik misissuinissaanut aningaasaliiffigineqarpoq. Ph.d.-nngorniutissaq Ålborgip Universitetiata ataani ingerlanneqassaaq.

Lorenz Meirep Nunatta sermersuata aanneranit kangerluit imartaasa saneqaatsimikkut sunnersimaneqarnerannik misissuineri aningaasaliiffigineqarput. Post doc-imik taallugu ilisimatusaat Kalaallit Nunaanni Silap Pissusianik Ilisimatusarfeqarfiup ataani ingerlanneqassaaq.

Michael Lynge Pedersenip, Nunatsinni sukkornermik nappaatip atugaaneranik misissuineri aammalu Kalaallit Nunaanni peqqinnissaqarfiup sukkornermut tunngatillugu suleriusaanik misissuiniarneri aningaasaliiffigineqarput. Post doc-imik ilisimatusaat Kalaallit Nunaanni Peqqissaanermik Ilisimatusarfeqarfiup ataani ingerlanneqassaaq.

Ilisimattorsaatissatut aningaasaliissutit Namminersorlutik Oqartussat ilaatigut ilisimatusarnernut aningaasaliissutaaneersuupput aammmalu qallunaat aningaasanut inatsisaata ataani Issittumi ilisimatusarnernut aningaasaliissutinik ilaqarput Pinngortitaleriffimmillu aqutarineqarlutik.

Itinerusumik paasisaqarusunnermi saaffigisassaq:
Pinngortitaleriffiup pisortaa Klaus Nygaard, oqarasuaat 361200.