Oqalugiarneq: Kalaallit Nunaanni atortussiassat – sunik ilisimasaqarpugut? Saqqummersinneqarfia 10.02.2016

Pinngortitaleriffik Aarhus Universitetilu pinngoritami ilisimatusarneq pillugu Nuummi tamanut ammasumik oqalugiaateqassapput:

Kalaallit Nunaanni atortussiassat – sunik ilisimasaqarpugut?

Professor Minik Rosing, Statens Naturhistoriske Museum, Københavns Universitet

2016-imi februaarip ulluisa 24-anni pingasunngornermi Katuami `Inersuaaqqami´ nal. 19-21 (danskisut oqalugiartoqassaaq)

Oqalugiarneq akeqanngilaq nalunaarnissarlu pisariaqarani – aggiinnassaasi!

Kalaallit Nunaanni aamma nunani allani Kalaallit Nunaanni atortussiassanik piiaanissaq neriuuteqarfigineqartorujussuuvoq. Oqalugiarnermi Kalaallit Nunaanni piviusut takutinniarneqassapput aammalu aatsitassat pillugit oqallinnersuarmi suut sumut samminersut nalilersuiffigissallutigit.

Oqalugiarneq marlunnik immikkoortortaqassaaq:
Immikkoortoq siulleq Kalaallit Nunaata sannaanut aamma tamatuma Nunarsuarmi inuunerup ineriartorneranut qanoq sunniuteqarneranut tunngassaaq.

Immikkoortup aappaani apeqqutit uku akiniarsarissavavut: Ilippanaatit piviusumik qanoq amerlatigaat? Aatsitassanit atortussiassat sorpiaat pigineqarpat? Atortussiassat tamakku inuiaqatigiit qanoq iluaqutigisinnaavaat? Taava Naalagaaffeqatigiinneq qanoq pissava?

Oqalugiarneq ukiup affaani matumani oqalugiartitsisarnissat aapparaat Aarhusillu Universitet-iani oqalugiarnermit immiussaalluni. Oqalugiartitsinissaq tullinnguuttoq Pinngortitaleriffimmeersumit Thomas Juul-Pedersen-imit aallarnerneqassaaq qiteqqunneranilu kissartortornertalimmik unillatsiartoqassaaq.