*Required
*Required
*Required
*Required
*Required
*Required
*Required
*Required
Send
Thank you for your application!
 

Raajaqassuseq 2016-imi allannguuteqangaanngilaq – 2017-imut siunnersuineq taamaaginnarpoq

Raajaqassutsip appariartornerata 2015-imi unittutut isikkoqartup 2016-imi taamaaginnarnissaa naatsorsuutigineqarpoq.

Biologit Kalaallit Nunaata kitaani raajaqassutsimik misissuisarnerisa takutippaat aappaagu 2017-imi 90.000 tonsinik sippornagit pisassiissuteqartoqarsinnaanera peqassutsimut ilanngartuutaarujussuarnavianngitsoq. NAFO-p ICES-illu ilisimatuussutsikkut suleqatigiissitaata siunnersuinera siornamut naleqqiullugu allannguuteqanngilaq.

Kalaallit Nunaata kitaani raajaqassuseq 2004-miilli appariartuinnavissimavoq, taamaattoqarneralu 2015-imi unippoq. 2016-imi raajaqassuseq allannguuteqangaarsimanngilaq ukiumoortumilli misissuinerit inernerisa takutippaat raajat mikisut aappaagu ukiup ingerlanerani aalisarneqarsinnaalerumaartussat siornamut naleqqiullutik ikinnerusut.

Biologit innersuussutigaat appaagumut tunngatillugu raajanut tunngatillugu siunnersuineq allannguuteqartinneqassanngitsoq, paasissutissani aalisarnermeersuni takuneqarsinnaammat kalinnermi ataatsimi qaqinneqartartut aammalu biologit misissuisarnerisa takutimmassuk raajaqassuseq ukiuni tallimani kingullerni agguaqatigiissillugu peqassusaasartunut naapertuutikannersoq. Saarulliisannerulernerata kingunerisaanik raajanik ilanngartuinikinnerunissaat naatsorsuutigineqarpoq, saarulliimmi raajartortarmata.

Tunumi raajarniarnermut tunngatillugu siunnersuinermi 2017-imut pisassiissutigineqarsinnaasut allannguuteqanngitsumik 2.000 tonsiunissaat innersuussutigineqarpoq. Tunumi raajaqassuseq patajaatsumik inissisimagaluarluni 2012-imiilli peqassuseq appasittuarsimavoq.

Raajat pillugit siunnersuineq 2017