*Required
*Required
*Required
*Required
*Required
*Required
*Required
*Required
Send
Thank you for your application!
 

Pinngortitaleriffimmi Kulturip Unnussiorneq

Pinngortitaleriffimmi sapaatip akunnerani kingullerni arfininngornermi januaarip 21-nni Unnuk Kulturisiorfik inuppassuarnit pisarnertut soqutigineqarluarluni ornigarneqarluarpoq unnuup ingerlanerani isaasut katillutik 1014-usimammata.

Pinngortitaleriffimmiut Unnuk Kulturisiorfimmi assigiinngitsunik takusassiaateqarlutillu sammisassaqartitsisimapput.

Miluumasunut Timmissanullu immikkoortortaqarfimmiut Tasiilap avataani arfermik nalunaaqutsiinerminnit filmiliaat Virtuel Reality atorlugu takutinneqartoq pulaartunit, pingaartumik meeqqanit inuusuttunillu alutorsaatigineqarluinnarpoq. Taamatuttaaq uumasut allat pillugit suliat soorlu, tuttut, umimmaat appallu pillugit paasissutissanik oqaluttuarinninnerit takusassiallu soqutigineqarluarput.

Pinngortitaleriffimmi Kulturip Unnuani arajutsiumaneqanngilluinnartunut ilaapput imaani uumasut, aalisakkat assigiinngitsut, eqqusat, uumasuaqqat tappiorannartut, assagiarsuit kiisalu eqalussuaq allallu qanimut misissorlugillu attorneqarsinnaasut pisarnertut soqutigineqarluarput.

Avatangiisinut Aatsitassanullu immikkoortortami nunatta nammineq naasui naasullu nunani allaniit nunatsinnut eqqunneqarsimasut avatangiisinut sunniutigisartagaat oqaluttuarineqarput kiisalu Pinngortitaleriffimmiut sulinerminni atortui misissuisarnerminnilu suleriaasiisa ilaat pulaartunut takutinneqartillu misilitsinneqarput.

Pulaartorpassuit Pinngortitamut tunngasunik nalorsitsaarinermut akissuteqarnissamut pisarnertut periarfissinneqarput, apeqqutinut tamanut eqqortumik akissuteqartut arfernik assilialiamik pinnatassinneqarlutik.