*Required
*Required
*Required
*Required
*Required
*Required
*Required
*Required
Send
Thank you for your application!
 

Pinngortitaleriffimmi Unnuk Kulturisiorfik

Arfininngornermi 21. januaari 2017, Unnuk Kulturisiorfimmi Pinngortitaleriffik ammassaaq nal. 18:00-22:00. Tamassi tikilluaqqusaavusi.

20.01.17

Unnuup ingerlanerani pisussat:

Silap pissusianik Ilisimatusarfik:

Imaani inuuneq ersinngitsoq
Imaani arfeqarit, aalisakkat kinguppaallu saniatigut allanik uumasorpassuaqarpoq takusanngisatsinnik. Uumassusillit tamakkua mikingaartaramik isaannarmik takuneqarsinnaasanngillat. Imaani uumassusillit tappiorannartut – massa ilaat ataasiinnarmik isillit – pillugit ilisimasaqarnerulerit, paasillugulu itinersuarmi taartuinnaasumi qanoq isilluni aappassarsiortoqartarnersoq.

Virtuel Reality atorlugu arfernik isiginnaarneq
Virtuel Reality atorlugu imaani arferit takornariakkit.

Imaani uumasut – nammineq attukkit
Imaani uumasut ilisimasaqarfiginerulikkit. Nalunngiliuk uillut isigaqartut? Eqqusap qarnga taaneqartartoq “Aristotelesip seqersartua”? Aammalu kigutigutaat mattungaaramik ujaqqanik aserorterutaasinnaasut?


Avatangiisinut Aatsitassanullu immikkoortortaq:

Tuttunniarneq
Sooruna tuttunniareeraangama tuttutanik nalunaarsuiffik immersoriarlugu nassiuttariaqariga? Nalunaarsuiffik sumut atorneqartarpa?

Kangerluarsunnguup isertugaatai
Kangerluarsunnguup qinnguani sooruna napparuteerarpassuaqartoq? Aamma Hobbitit toqqini soqarpa?

Immap iluani kangerluk
Tunumi kangerlussuarnut qinngortuunut itisuunullu Pinngortitaleriffimmeersut peqatigalugit 2016-imi aasakkut takornariarneq.

Lupinit perloqqussutaat
Lupininik Kalaallit Nunaanni naatitsineq nunap naasuinut qanoq sunniuteqartarpa?


Aalisakkanut qalerualinnullu immikkoortortaq (Laboratoria):

Kalaallit Nunaata sineriaani aalisagaqatigiiaanik kinguppannillu misissuilluta angalanitsinni pisarisartakkagut takusakkit. Kalaallit Nunaata eqalussua – nunarsuarmi uumasut takinersaat allallu immap naqqata uumasui tupinnartut pissanganartullu ilanngullugit.

Miluumasunut Timmissanullu immikkoortortaq:
Appat ineqarfianni appat qassiunersut kisikkit appallu Kalaallit Nunaanni siunissaat eqqarsaatersuuteqarfigalugu.

Umimmaat ukiunit sermersuaqarfiusunit amiakkuusut inuit piliaannik pissuteqartumik silap pissusaata allanngornera anigorsinnaavaat?