Silap Pissusianik Ilisimatusarfik Facebookimi qupperneqalerpoq Saqqummersinneqarfia 28.07.2017

Pinngortitaleriffimmi Silap Pissusianik Ilisimatusarfik Facebookimi namminerisaminik qupperneqalerpoq. Taamaalillutik Kalaallit Nunaanni, Danmarkimi nunanilu allani Facebookimik atuisut Silap Pissusianik Ilisimatusarfimmiut ilisimatusartarneri, angalallutik suliaqartarneri, saqqummersittagaat, ilinniagaqartunik allanillu suleqateqartarneri Facebookikkut malinnaavigisinnaalerpaat. Silap Pissusianik Ilisimatusarfiup Facebookimi quppernera pingaartumik Kalaallit Nunaanni najugaqartunut iluaqutissatut pilersitaasoq ateqarpoq: Silap Pissusianik Ilisimatusarfik.