Kalaallit Nunaata kitaani saattuattassiissutaasut taamaaginnassapput Saqqummersinneqarfia 12.12.2018

Ingerlatsivinni amerlanerni ukiuni arlalinni saattuaqassuseq appasissimavoq. Pinngortitaleriffimmiillu siunnersuinerit Qeqertarsuup Tunuani Sisimiullu eqqaanni peqassutsimik misissuinernit aammalu ingerlatsivinni tamani pisat allattorsimaffiini allassimasunit tunuliaquteqarsimapput.

Qeqertarsuup Tunuani peqassuseq appasippoq. Peqassutsimik misissuinerit aalisartullu nalunaarsuiffii aallaavigalugit siunnersuutigineqarpoq 2019-imi saattuartassat 400 tonsinik amerlanerussanngitsut.

Ingerlatsivimmi Sisimiuni, sinerissap qanittuani saattuat ikiliartorunnaarsimapput. Siunnersuutigineqarporlu 2019-imi saattuartassat 300 tonsit qaangissanngikkaat, tassa 2018-imi pisassarititaasut amerlaqatigiinnassavaat.

Sisimiut avataanni saattussat aalisarneqarsinnaasut amerleriarsimapput, saattuaaqqalli pisarineqarsinnaalertussat ukiuni tulliuttuni ikittunnguupput. Taamaattumillu tamaani saattuarniartoqannginnissaa suli innersuussutigineqarpoq, tamaani saattuat malunnaatilimmik amerliartornerata takussutissaqalernissaata tungaanut saattuarniartoqassanngikkallartoq siunnersuutigineqarluni.

Nuuk-Paamiut eqqaanni saattuaqassuseq aalaakkaavoq. 2019-imi sinerissap qanittuani pisassat 200 tonsit qaangissanngikkaat innersuussutigineqarpoq avataanilu 1.000 tonsit qaangissanngikkaat innersuussutaalluni.

Pinngortitaleriffiup innersuussutigaa saattuarniartoqartassasoq martsimiit juulip tungaanut. Taamaaliornikkut saattussat allillutik pisarineqarsinnaalernissaat qulakkeerneqassagami ”aqitsunillu” qaleruallit pisarineqarnissaat pinngitsoortinneqartasssammat, taamaattummi tunineqarsinnaaneq ajorput imaanullu utertinneqaraluarlutik pisarinqarnertik qaanginngitsoorlugu amerlanerit toqusarmata.

Sukumiinerusumik paasisaqarniaruit attavigisinnaavat:

Ilisimatusartartoq AnnDorte Burmeister e-mail: anndorte@natur.gl imaluunniit oqarasuaat: +299 361200.