Nunaqavissut ilisimasaat pillugit suliniut nersornaasigaasoq Saqqummersinneqarfia 02.10.2019
Pinngortitaleriffiup suliniummut BuSK-imut peqataanini aallaavigalugu, Arctic Awards 2019-ip nersornaatisitsinerata immikkoortuani ”Sustainable use of resources”-imi ajugaasumut, suleqataanini tanngassimaarutigaa. Nersornaat pineqarsinnaavoq piujuartitsisumik atorluaaneq aallaavigalugu aaqqissuussisunut.
Sisimiuni utoqqaat pissanganartunik oqaluttuassarpassuallit.
BuSK, EU Northern Peripherymit aamma Arctic Programme-mit aningaasaliiffigineqartoq tassaavoq “Building Shared Knowledge capital to support natural resource governance in the Northern periphery”. Suliami tassani nunap inuiisa ilisimasaasa, ileqquisa, sumiiffinni ataasiakkaani soqutiginnittut, ilisimatusarneq kiisalu takornariaqarneq, aatsitassarsiorneq angisuunillu sanaartorneq pillugit aalajangiisartut akornanni ataqatigiissumik ingerlatsisoqarnissaa sulissutigineqarpoq.
-
- Riikka Oittinen, Finlandimi Laplandip nunap ilaanut ataatsimiitsitaliameersumi Kolarctic programmimi aqutsisoq, Seija Tuulentie, suliniummi BuSK-imi aqutsisoq LUKE-milu Natural Resources Institute Finlandimi professori. Jari Vilén, Europami isumalioqatigiissitani Issittumi politikkimut siunnersortaaneq. Per Sandström, Umeåmi Sverigemi Landbruksuniversitetimi ilisimatusartoq.
-
- Christopher Parker, NPA-p allattoqarfiani Project Development Supportimi aqutsisoq. Ari Nikula, LUKE-mi Natural Resources Institute Finlandimi ilisimatusartuuneq. Seija Tuulentie, suliniummi BuSK-imi aqutsisoq LUKE-milu Natural Resources Institute Finlandimi professori. Per Sandström, forsker i Sveriges Landbruksuniversitet i Umeå. Kirsti Mijnhijmer, NPA-p allattoqarfiani aqutsisoq.
Sarfannguani Aron Olsen nunaqarfimmi piujuaannartitsinermik tunngaveqarluni takornariarlerinermik ineriartortitsineq pillugu saqqummiissoq.
Finlandimi, Sverigemi, Norgemi, Irlandip avannarlertaaneersunit aammalu Savalimmiuniit, Islandimiit, Kalaallit Nunaanniillu ilisimatusartartut suliniummi peqataapput.
Nunat nunallu ilai suliami peqataasut: Nunatsinni Qeqqata Kommunia, Islandimi Reykjavik, Savalimmiuni Sandoy, Irlandimi Galway, Norgemi Tromsø, Finlandimi Rovaniemi, Sverigemilu Gran Sameby.
Suliami Kalaallit Nunaat sinnerlugu peqataapput Pinngortitaleriffik Qeqqatalu Kommunia, taakkua Aasivissuit – Nipisat UNESCO-p Nunarsuarmioqatigiinnut kingornussassatut eriagisassatullu allattorsimaffianut ilaasoq pillugu suleqatigiissutigaat. Suleqatigiinnermi tassani pingaartumik Sisimiuni Sarfannguanilu innuttaasut peqataatillugit piujuaannartitsinermik tunngaveqarluni takornarialerinermik ineriartortitsinissaq sulissutigineqarpoq. Sumiiffinni pineqartuni innuttaasut nunartik eqqaalu pillugit, nunaminni pisuussutit uumassusillit nunamillu oqaluttuassartaa pillugu namminneq ilisimasatik tunngavigalugit takornariartitsinermi aallarnisaaniarnerminni suliniut ikiortigilluarsimavaat.
Sarfannguani meeqqat pinnguartut.
Suliap ingerlanerata nalaani sumiiffinni pineqartuni innuttaasut kinguaaminnut takornarianullu ingerlateqqitassaminnik pinngortitaq avatangiisertik oqaluttuarisaanertillu pillugit ilisimasanik katersinerannut Pinngortitaleriffimmiut suleqataasarsimapput. Sumiiffinni pineqartuni takorniaqarnermik soqutigisallit suleqatigiillutik ineriartortinerannut Qeqqata Kommunia ataqatigiissaarisuuvoq.
Sarfannguani aalisartoq.
Suliniutip aningaasaliisullu ilisarnaataat.
Arctic Project Awardsimik unammisitsineq pingajussaat ingerlanneqarpoq.
Annerusumik paasisaqarniaraanni:
Annerusumik paasisaqarniaraanni attavigineqarsinnaavoq Karl Zinglersen oqarasuaat 36 12 00 imaluunniit emailimut kazi@natur.gl-mut.
