*Required
*Required
*Required
*Required
*Required
*Required
*Required
*Required
Send
Thank you for your application!
 

Arctic Education Alliance’p Kalaallit Nunaanni ilinniartoqarsinnaassuseq qaffassaavigerusuppaa

Kattuffiit ilisimatusarfiillu Kalaallit Nunaanniittut USA-miittullu ilinniagaqarnermut tunngatillugu suleqatigiissummik pilersitsipput, Arctic Education Alliance-imik taaguusikkaminnik. Inuussutissarsiutinik ilinniarnermut tunngasut, Kalaallit Nunaanni takornariaqarnermik sullissinermik suliaqarnermik, kiisalu nunalerinermik aalisarnermillu ikorfartuutaasinnaasunik suleqatigiiffigineqartussanik taanna aqqutigalugu aallartitsisoqartassaaq.

Alaskami Fairbanksip ilisimatusarfia (UAF) Pinngortitaleriffiullu immikkoortortaa Silap Pissusianik Ilisimatusarfik suliamik ingerlatsisuussapput. Suliami peqataapput nunatsinni Ilisimatusarfik, Pennsylvania State University, Southern Maine University aamma Nunat inoqqaavisa ilisimasaannik allanngutsaaliineq pillugu suleqatigiit siunnersuisuat Victoria Qutuuq Buschman. USA-p nunanut allanut ministereqarfia aqqutigalugu suleqatigiinnissamut isumaqatigiissut malillugu aningaasaliissutit 1,8 million USD (11,3 mio DKK miss.) UAF-imut tunniunneqartut Arctic Education Alliance-mut aningaasaliissutigineqaramik.

Arctic Education Alliance’p USA-mi Kalaallit Nunaannilu ilinniartoqarfiit suleqatigiinnerunissaat siuarsassallugu anguniagaraa, aamma ilinniarnermut aningaasaqarnermullu tunngasutigut ataatsimoorussamik periarfissatigut ikorfartueqatigiinnissartik anguniagaraattaaq. Kalaallit Nunaanni issittumilu takornarialerinermi, pinngortitap pisuussutai pillugit aqutsisoqarfinni ilinniartoqarfinnilu suliaqartunik suleqatissarsiornissaq suliarineqaqqaassavaat. Kalaallit Nunaanni suliffissuaqarnikkut inuussutissarsiutitigullu ilinniarfinni pisariaqartinneqartut taakkua suleqatigiinnerminni naliliiffigissavaat, pisariaqartitsisoqarneralu naapertorlugu ilinniarfiit piginnaasaannik ineriartortitsinissamut pilersaarusiussallutik. Suliniummullu naapertuuttumik ilinniakkat aallartitassat inerisaaffiginiassallugit. Kalaallit Nunaanni ilinniartut ilinniarfinnilu sulisut, suleqatigiissutigisami peqataagaangamik Alaskami pikkorissaqataasarniassammata, paarlaasseqatigiinneq aqqutigalugu suleqataasut peqataaffigisaannik suleqatigiissitaliortoqartassaaq.

Suliniut ukiunik marlunnik sivisussuseqartoq piujuartitsiniarneq pillugu pilersaarusiorneqarsimavoq, taamaasilluni suliniut naammassineqareeraluarpalluunniit  suliniutip kingorna Kalaallit Nunaanni USA-milu pissarsiaqaatigineqarnerata attatiinnarneqarnissaa anguniarlugu pilersaarusiortoqarsimavoq.

Pinngortitaleriffik UAF-ilu issittumi ilisimatusarnermi ilinniagaqarnermilu iluatsilluartumik ingerlalluartuupput. UAF-imeersut issittumi ilisimatusarnermik annertuumik aallussinermik saniatigut, inuiaqatigiit ikittut pillugit ingerlatsinermik, aalisartoqarneq pillugu ilisimatusarnermik, nunallu inoqqaavisa piorsarsimassusiannut tunngasunik suliaqarnermik misilittagaqarluartuupput.

 

Itinerusumik paasisaqarusunnermi attavissaq: Jeff Richardson, 907-474-6284, jarichardson6@alaska.edu imaluunniit Byron Bluehorse, Alaska Fairbanksip Ilisimatusarfia, Inuiaqatigiilerinermik Nunallu immikkoortut ineriartornerannik immikkoortoqarfik, 907-474-1580, bdbluehorse@alaska.edu; Lene Kielsen Holm, Pinngortitaleriffik, Silap Pissusianik Ilisimatusarfik, +299 361200, info@natur.gl