Unnuk kulturisiorfik Saqqummersinneqarfia 16.01.2020
Aalisakkat itinermeersut assiinik saqqummersitaqassaaq.
Unnuk kulturisiorfik, januaarip 18-iani pisussaq, sorpassuarnik pisoqarfiussaaq.
Pinngortitaleriffiup immikkoortoqarfii tamarmik assigiinngitsorpassuarnik alutornartunik, sulerisarnerminnik paasititsiissusiisunik takusassiaqassapput.
Unnummi pisussat ilaat makkuupput:
- Eqalussuaq eqalussuarlu qaamasoq nal.19:30 pilanneqassapput.
- Immap naqqaneersut uumasut, assagiarsuit assigisaalu, qanimut takukkit.
- Kalaallit Nunaata imartaaneersut aalisakkat itinermiut, Aalisakkanik Qalerualinnillu immikkoortoqarfimmeersup uumasorsiuup Julius Nielsenip assilisai, kusanarluinnartut saqqummersinneqassapput.
- Sioqqanik milluaalluni aatsitassarsiortoqartillugu uumasunut sunniutai takutinneqassapput.
- Miluumasut pillugit saqqummiussisoqassaaq, angalasarnermiillu assinik videonillu takusassiaqartoqarumaarluni.
- Unnummi sammineqartut pillugit immersuilluni eqquiniaasoqassaaq.
- Atuartut angalanissaminnut aningaasanik katersuiniarlutik kaaginik kaffimillu tuniniaassapput.
Nal.19-imiit nal.22-p tungaanut ammassaagut.
-
- Aalisakkat itinermeersut assiinik saqqummersitaqassaaq.
-
- Augmented Reality sandkasse, passunneqarsinnaasoq.
-
- Uumasut imarmeersut qanimut takukkit.
-
- Aalisakkat assigiinngitsut takutinneqassapput.
-
- Unnummi eqalussuit pilanneqassapput.
-
- GEUS-ittaaq assigiinngitsunik takusassiaqassaaq.
