Pinngortitaleriffiup misissuutaani angalasut COVID-19-imik nappaateqanngillat Saqqummersinneqarfia 27.07.2020

Pinngortitaleriffiup matumuuna naqissuserniarpaa, suliffeqarfiup ilisimatusarluni umiarsuaat arlaannaalluunniit COVID-19-imik tunillanneqarnikuunngimmata.

Pinngortitaleriffiup misissuutaa SANNA ulluni makkunani Qeqertarsuup Tunuani ilisimatusarnernut atorneqarluni angalaleruttorpoq, ilaasullu tamarmik peqqilluinnarput, taamatuttaarlu kilisaammi misissuutitut attartukkami Helga Maria-mi aammalu EROS-imi ilaasut aamma tamarmik peqqeqaat.

Taakkua kingulliit Tunuap avataani EROS-imi avaleraasartuunik, saarullinnik raajanillu misissuisut aamma tamarmik peqqipput, nualluussuarmillu eqqugaanikuunatik.

Annerusumik paasisaqarusukkuit attavigiuk:

Aalisakkanut Qalerualinnullu Immikkoortortaqarfimmi ilisimatusartoq, AnnDorte Burmeister, ugguuna tlf. +299 361200 imal. mail: anbu@natur.gl