*Required
*Required
*Required
*Required
*Required
*Required
*Required
*Required
Send
Thank you for your application!
 

2022-mi raajartassat ukioq mannatulli amerlatigiinnassapput

Uumasorsiuut innersuussutigaat 2022-mi Nunatta Kitaani raajat 115.000 tonsit kilisanneqarsinnaanissaat, taamaasilluni siunnersuineq 2021-mi siunnersuinermiit allaanerussuteqassanngilaq. Tunumi innersuussutigineqarportaaq allannguuteqanngitsumik 2022-mi 3.000 tonsit kilisanneqarnissaat. Siunnersuineq Naalakkersuisunut tunniunneqareerpoq, tamaalilluni Naalakkersuisut Kalaallit Nunaanni raajartassiissutissat amerlassusissaat aalajangiiffigisinnaanngorpaat.

Raajaqassuseq 2021-mi misissuiffigineqarsimanngilaq, Nunatta ilisimatuussutsikkut umiarsuassaa Tarajoq kinguaattoorutaanikuummat. Ilisimatusartartulli naatsorsuinerisa takussutissaqartippaat Nunatta Kitaani raajarniarneq piujuartitsiniartumik ingerlanneqartoq peqassuserlu aalaakkaasumik amerlassuseqarluartut.

Peqassuseq naatsorsorneqarsinnaasimavoq raajarniartartut pisaat, kalinnermilu ataatsimi pisarisartagaat, peqassutsillu oqimassusinngorlugu annertussusia kiisalu saarulliit raajanik nerisimasinnaasaasa annertussusii aallaavigalugit.

Paasissutissat Tunumeersut takutippaat, ukiuni kingullerni peqassuseq pitsannguuteqarsimasoq. Raajaqassuserli 2004-mitulli amerlassuseqanngilaq, raajalli taamaallaat Tunumi Dorhn Banke-p nalaani pisassaanerupput.

 

Sukumiinerusumik paasisaqarniaraanni attaveqarfissaq:

Konsulent Aalisarnermut Qalerualinnullu immikkoortortaqarfimmi senior rådgiver/Ilisimatusartartoq AnnDorte Burmeister, oqarasuaat +299 361200 imaluunniit email: anbu@natur.gl