Ambassadøri tikeraartoq Saqqummersinneqarfia 24.09.2021
Tuluit Nunaata Danmarkimi Ambassadøriat Emma Hopkins OBE perngaammik Kalaallit Nunaannut ulluni 20.-24. September 2021 tikeraaleruttorpoq. Ambassadør Hopkinsip pingasunngormat, septembarip 22-ani silap pissusiata allanngoriartornera, ilisimatusarneq nutaaliornerlu eqqartueqatigiissutiginiarlugit Silap Pissusianik Ilisimatusarfiup pisortaa Mie Winding ataatsimeeqatigaa.
– Eqqartugassarpassuaqarpugut. Tuluit Nunaata Kalaallit Nunaatalu akornanni tunisassiorneq, aalisarneq, ilisimatusarneq aammalu silap pissusianut tunngatillugu misissuinerit ilinniagaqarnerlu pillugit suleqatigiinnertigut ineriartortitsinissamik periarfissat sammerusuppagut, Ambassadør Hopkins oqaluttuarpoq.
Mie Windingi ambassadørip ataatsimeeqatiginerani suleqatigiinnissamut periarfissat eqqartorneqarsimasut oqarpoq.
– Tuluit Nunaata Kalaallit Nunaatalu ilisimatusarnertigut suleqatigiinnertigullu periarfissarineqartut, suullu siunissami suleqatigiissutigisinnaanerigut eqqartorpagut, Mie Winding oqarpoq.
COP26-qarnissaq (2021 United Nations Climate Change Conference) Tuluit Nunaanni novembarimi pisussaq sioqqullugu Ambassadør Hopkinsip tikeraarnermini silap pissusiata allanngoriartornera kiisalu tamatuma Kalaallit Nunaanni najugaqartunut sunniutai paasisaqarfiginerorusuppai.
Taakkua saniatigut ambassadørip naapikkusuppai Naalakkersuisut sinniisaat allallu kiisalu Sulisitsisut kattuffiata sinniisai, Tuluit Nunaata Kalaallillu Nunaata akornanni pissutsit, inuussutissarsiornermi suleqatigiissutigineqarsinnaasut, niuerneq aalisarnerlu pillugit eqqartueqatiginiarlugit.
Itinerusumik paasisaqarniaraanni attavissaq:
Immikkoortortami pisortaq Mie Winding, Silap Pissusianik Ilisimatusarfik, oqarasuaammi +299 361238 imaluunniit miwi@natur.gl
Ambassadørip ataatsimeeqatiginerani suleqatigiinnissamut periarfissat eqqartorneqarput. Assiliisoq: Pinngortitaleriffik.
Mie Windingip Silap Pissusianik Ilisimatusarfimmi ukiuni kingullerni 12-ini suliarineqarsimasunut tunngasunik atuakkiaq ambassadørimut tunissutigaa. Assiliisoq. Pinngortitaleriffik.
