Greenland Science Week-imi pisussat Saqqummersinneqarfia 04.11.2021
Ataasinngorneq 8.novembarimiit sapaat 14.november ilanngullugu Greenland Science Week-ip ingerlanneqarnerani pinngortitamut tunngatillugu ilisimatusarnermut tunngasorpassuarnik saqqummiisussarpassuaqarpoq, aammalu assinik filminillu takutitsisoqarumaarluni.
Ilisimatusartartut Pinngortitaleriffimmeersut suliatik suut saqqummiukkumaarneraat uani takusinnaavatit:
- Qilalukkat qernertat pillugit isumasioqatigiinneq
- Aqajaqquaqqat ilormiuarai
- Ilisimatusarnermi assit: Qilalukkat qernertat
- Ilisimatusarnermi assit: Nannut
- Ilisimatusarnermi assit: Kapisillit qatigallit
- Appat pillugit ph.d.-liaq
- Greenland Rising – pinngortitamut tunngasunik ilisimatusarneq, ilinniartitsineq najugaqavissunillu suleqateqarneq
- Immap naqqanik paasisassarsiorneq
- Ilisimatusarneq Filminngorlugu
- Sisuarsuit – Silap pissusiata allanngoriartornera inuiaqatigiinnilu isumannaallisaaneq
Greenland Science Week suleqatigiiffiuvoq ilisimatusarnermut tunngatillugu innuttaasut, aqutsisut, ilinniartut, ilisimatusartartut politikkerillu attaveqatigiilerfigisinnaasaat ilisimasanillu paarlaassuiviusoq.
