Ph.d.-mik illersuissaaq: Aili Lage Labansen Saqqummersinneqarfia 10.06.2021

Pingasunngorneq 16. juni nal. 9.00. uumassusileritooq Aili Lage Labansen, Miluumasunut Timmissanullu Immikkoortortaqarfimmeersoq Ph.d.-tut inaarumminik illersuissaaq, appanut tunngasumik, qulequtaqartumik: ”Makin’ some noise – A study on anthropogenic threats to thick-billed murre (appa, Uria lomvia) in Greenland”. Appat piaqqiorfimminni piaqqiornerisa nalaani suut uloriarnartorsiutaasinnaanerannik imaqartoq.

Siunnersortaa, Seniorforsker Flemming Ravn Merkel, naliliisussatullu ataatsimiitiitaliaq Danmarkimiit Tuluillu Nunaanniit zoom aqqutigalugu peqataassapput. Ph.d.-mik illersuineq pisortatigoortuuvoq Pikialaarfiullu auditoriaani Pinngortitaleriffiup eqqaaniittumi pisussaavoq nal. 9.00 – 12.00.

Soqutiginnittut tamarmik Pinngortitaleriffiup Facebookiatigut toqqaannartumik malinnaasinnaajumaarput uani: Pinngortitaleriffik, Grønlands Naturinstitut

Illersuinertaa akunnermik ataatsimik sivisussuseqassaaq, unillatsiarnerullu kingorna naliliisussatut ataatsimiititaliap Aili Lage Labansenip illersuinera naliliiffigissavaat.

Naliliisussatut ataatsimiititaliaq:
Professor Jenny Gill, University of East Anglia, United Kingdom
Lektor Magnus Wahlberg, Syddansk Universitet, Danmark
Professor Anthony David Fox (formand), Aarhus Universitet, Danmark
Siunnersortaaneq:
Senior forsker Flemming Ravn Merkel, Bioscience Roskilde, Aarhus Universitet, Danmark
Siunnersueqataasoq:
Senior forsker Anders Mosbech, Bioscience Roskilde, Aarhus Universitet, Danmark
Oqaatsit atorneqartut: Ph.d.-mik inaarutaasoq tamarmi tuluttut ingerlanneqassaaq.

Pisussaq annerusumik uani paasisaqarfigineqarsinnaavoq: Lokale trusler for en populær havfugl i Grønland

Ph.d.-liarineqartoq tamakkiisoq atuarsinnaavat uani: Makin’ some noise – A study on anthropogenic threats to thickbilled murre (appa, Uria lomvia) in Greenland