Nipisaat imaannarsuarmiittut Saqqummersinneqarfia 29.07.2022

Nipisak Tarajoq-mi nalunaaqutserneqartoq assimi takuneqarsinnaavoq. Inuit amerlanerpaartaasa nipisak ammallorissuusoq sinerissap qanittuaniittartutut ilisimaneruaat, tassami sineriammut suffiartortoq aalisartut qassutaasa pisarisarmassuk.

Nipisak nallorissorsuunngimmat imaannarsuarmi Islandip Nunattalu akornganni immap qaatugaaniinnerusumiittoq naammattuussallugu tupaallannartuuvoq. Tassami nipisaat tamaani pisarisuaannarpagut. Nipisat pisarineqartut tamarmik nalunaaqutserneqartarput oqarasuaatip normuanik sianerfigisassalimmik. Taamaasilluni pisarinnittoqaruni Pinngortitaleriffimmut sianertoqarsinnaaniassammat, tunniussinerlu akissarsissutigalugu.

Nipisaat imaannarsuarmi susarnersut piffissap ingerlanerani paasisaqarfiginerussallugit neriuutigaarput, tamaanilu ingerlanermini sumunnartarnersoq aamma paasisaqarfigissallutigu kissaatigaarput.

Assiliisoq: Frederik Bjare