Tammajuitsussarsiniarluni piniartitsisarnermut immikkoortut akuersissuteqarfiit – sumi qanorlu? Saqqummersinneqarfia 06.12.2022
Tammajuitsussarsiniarluni piniartitsisinnaanermut akuersissuteqartoqarsinnaanissaanut Pinngortitaleriffik siammasissumik innuttaasunik peqataatitsisumik misissuititsilerpoq. Peqataasut isummersinnaallutillu siunnersuuteqarsinnaapput. Taamaaliornikkut najukkami innuttaasut isumaat kissaataallu Nunatarsuarmi Nuullu eqqaani immikkoortunik akuersissuteqarfiusinnaasunut tungatillugu paasissutissanik assigiinngitsitaartumik takutitsisunik katersissagatta.
“Misissueriaaseq qarasaasiakkoortoq PPGIS atortussaavarput, decembarilu tamaat tamanit iserfigineqarsinnaasussaavoq. Misissuinerup qarasaasiakkut ingerlanneqarnerata kingunerisaanik peqataasut piffissaqarluarlutik sumiiffimminnilu iluarisartik naapertorlugu peqataasinnaanngortinneqarput. Misissuinermut peqataaniaraanni tuugassaq toorneqaannassaaq. Apeqqutinik akiortuineq 20 minutsit missaannik sivisussuseqarpoq. Mobilit sanimut saatsillugu mobilikkut peqataaniarnerit ajornannginnerussaaq. Qarasaasiaminngaanniit iluarneruvoq. Januaarimi 2023-mi Pinngortitaleriffiup quppersagaani Facebookianilu misissuinerup inerneri tamanut saqqummiunneqarumaarput”, ilisimatusartoq Kristine Lynge-Pedersen oqarpoq.
Tammajuitsussarsiniarluni piniartitsinermut Nunatarsuaq Nuup Kangerluata qinnguaniittup immikkoortumik akuersissuteqarfissatut atorneqarsinnaalersinniarlugu siunnersuut kommunimut pilersaarummut tapiliussatut Kommuneqarfik Sermersuuminngaanniit suliarineqarpoq. Siunnersuut tusarniaassutigineqarnikuuvoq, ukiullu nutaap aallartinnerani siunnersuut tusarniaanermilu atorneqarsimasut kommunalbestyrelsip isummerfigisussaavai.
Taamaammat aallarniutaasumik iliuuseqarluta uku suleqatiseralugit saaffigivagut: Kommuneqarfik Sermersuumi Pilersaarusiornermut aamma Inuussutissarsiornermullu immikkoortortaqarfimmiit ilaasortat. Kalaallit Nunaanni Namminersorlutik Oqartussani Inuussutissarsiornermut immikkoortortaqarfik. Najukkami aalisartut piniartullu peqatigiiffiit, NAPP, Neqitaq aamma NTPAP. Kiisalu piniartitsisarnissamut akuersissummik qinnuteqartoq.
Suleqatigiissitap ataatsimiititsilluni oqaloqatiginninneri Pinngortitaleriffiup misissuineranut isummanik siunnersuutinillu pissarsiffiulluarput.
ArcticHubs-iminngaanniit ilisimatusarnermik suliniummi EU-minngaanniit aningaasalerneqartumi Pinngortitaleriffiup Maptionnairellu ilisimatusarfigisaani Nuup eqqaani takornarialerisut najukkamilu innuttaasut sumiiffinni immikkoortunik atuinerat susassareqatigiinnerallu ilaatigut misissorneqassapput.
Paasisaqarnerorusukkuit attavigisinnaasatit:
Kristine Lynge-Pedersen, oqarasuaat 361218, krlp@natur.gl
Karl Zinglersen, oqarasuaat 361215, kazi@natur.gl
Carl Isaksen, oqarasuaat 361294, cais@natur.gl
Misissuinermut paasiniaaffissaq: https://
