A Taste of Two Worlds akissarsitinneqarpoq Saqqummersinneqarfia 14.12.2023
Iganermut ilitsersut ’A Taste of Two Worlds’Gourmand Awards’it 29-issaannik Saudi Feast Festival Riyadh’imi ingerlanneqarmat Arctic Books, countries & Regions-imi nr. 1’ngorpoq. Aammalu Cooking School Free, Best Authors and Chefs taavalu University Press Free, Best Publishers akornganni nr 2ngorluni, aammalu immikkoortumi Nordic Books, Countries & Regions nr 3ngorluni akissarsitinneqarluni. Ilitsersuusiaq ’A Taste of Two Worlds’ University of Southern Maine’imit naqitinneqarpoq Narsamilu INUILI suleqatigalugu suliaalluni. Atuagaq nerisassiornerup tungaatigut ilisimatusarnermi suleqatigiinnerillu akornganni pitsaanerpaatut nalilerneqarpoq.
Iganermut tunngasunik festivali Kangiani akullermi aaqqissuussat taamaattut annersaraat inuit untritilikkaat aammalu iganermik aallussisut nunanit 90-ineersut nunavissuillu tallimaneersut peqataagamik. INUILI’mi ilinniartitaanermut siunnersortip Jacob Hansen’ip atuagaq ilisaritillugu festivalimi saqqummiuppaa.
Iganermut ilitsersuummik ’A Taste of Two Worlds’-imik suliarinnittuusut akissarsitinneqaramik tanngassimaaqaat.
”Qujanarujussuaq … ilinniartut suleqataasimasullu sinnerlugit qujavunga, peqataasullu assut nuannarilernikooqaagut. Suleqatigiinnikkut anguneqartut kusanaqaat, University of Southern Maine Pinngortitaleriffimmilu Silap Pissuata Ilisimatusarfiani isumassarsisuususi tamassi pilluangaaritsi!” Inuili’mi pisortaq Poul N. Christensen oqarpoq.
Gourmand World Cookbook Awards 1995-imi Edouard Cointreau’mik pilersinneqarpoq nerisassiornikkullu kulturip tungaatigut kisiartaalluni nunat tamalaat akornganni unammisitsisarfiuvoq. Ukiut tamakkiallugit nerisassanut tunngasut pitsaanerpaamik naqitat, qarasaasiakkut Tvkullu aammalumi innuttaasut attaveqaataasigut saqqummersitaasimasut tassani nersorniarneqartarput.
Festivali The Culinary Arts Commission’imik Saudi Arabiap kultureqarnermut ministereqarfianit aningaasaliiffigineqartarpoq.
Sukumiinerusumik paasisaqarniaraanni attavigisassaq:
Inuilimi ilinniartitsisoq: Mette La Cour Petersen, mepe@inuili.gl imaluunniit Pinngortitaleriffimmi ilisimatusartoq Aaju Simonsen. ascs@natur.gl
