Aalisagaq qaqutigoortoq katersugaasiviliaanneqartoq Saqqummersinneqarfia 26.01.2023
![](https://natur.gl/wp-content/uploads/2023/01/DSC_0539-863x576.jpg)
Assiliisoq/Foto Julius Nielsen
Aalisagaq qaqutigoorluinnartoq Kalaallit Nunaata sineriaani qassikattariaannarlugu pisarineqarsimasoq qallunaatut ateqartinneqartoq ’Reinhardts fakkelangler’ kalaallisut Reinhardtip qullilerluni aalisartartuanik taasinnaavarput. Aalisagaq taanna 55 cm-it missaannik angissusilik Kâpe Lange’mik pissarsiarigatsigu assorsuaq alutorsarpugut, aalisagaq taanna qaqutigooqisoq kilisaatip 1384inik itissusillip missaani Nunatta Kitaani pisarisimavaa. Aalisagaq kusanarluinnartoq Københavnimi Zoologisk Museum’imi toqqorneqassaaq, tassaniitinneqaramik aalisakkat qaqutigoortut nunatsinni pisarineqartarput.