Nunatsinni aalisagaqassutsimut tunngatillugu ilisimatoortaqalerpugut Saqqummersinneqarfia 10.03.2023
Teunis Jansen, 2014imiilli Pinngortitaleriffimmi sulisimasoq aalisagaqassutsip allanngorarneranut peqassutsimillu naliliisartutut professorinngortitaavoq Danmarks Tekniske Universitetimi (DTU-Aqua). Ilisimatuutut toqqarneqarnera Pinngortitaleriffik suleqatigalugu pisimavoq.
Teunis ukiuni 25ni kingullerni aalisakkanik peqassutsimik uuttortaanissamut periusissanik, aalisakkat ingerlaartarnerannut, alliartortarnerannut, nerisaqarnerannut kinguaassiortarnerannullu tunngasunik ilisimatusarsimavoq. Teunis, nunat tamalaat Imaani Ilisimatusarnikkut ataatsimiitsitaliaanni ICES-imi, immikkut ilisimasallit suleqatigiiffianni aqutsisuusarsimavoq nalunaarsukkallu misissoqqissaarneqarnissaannut matematik-tigullu naatsorsueriaaseqarnissamut tunngatillugu Pinngortitaleriffiup Naalakkersuisunut siunnersuinissaanut suleqataasarsimalluni.
Teunis-ip ilisimatuussutsikkut sulinermini anguniagaraa aalisakkat ingerlaartarnerisa nalunaarsorneqarlutillu ilisimaneqarnerulernissaat – sumiissutsimut tunngatillugu aammali immap ikeranut qummut ammullu ingerlaartarnerannut tunngatillugu qaqugukkut aalisakkat sumiittarnersut qanorlu amerlatigisarnersut eqqarsaatigalugit. Silap allanngorarnerata aamma sunniutai, soorluttaaq silap allanngoriartornerata kingunerisaanik immami uumasoqatigiiaat misissorneqarnerannut tunngatillugu.
Teunis-ip Pinngortitaleriffiup umiarsuaani ekkolodit aammalu uuttortaatit aallat atorlugit imaani ukiup ingerlanerani allannguutaasartut uuttortartarpai. Ilisimatusarneralu Pinngortitaleriffimmi aalisakkanut immikkoortortaqarfimmeersut silallu pissusianik ilisimatusarfimmeersut suleqatigalugit misissuisarsimalluni, soorluttaaq DTU-Aquami allanilu imaq pillugu ilisimatusarfinni, ingammik Norgemi Islandimilu ilisimatusarfinni misissueqqissaartarsimavoq.
Teunis Sisimiuni Aalisarneq pillugu teknologimik ilinniarfimmi ilinniartitsisarpoq, Kalaallillu Nunaanni aalisakkat takkussuuttut nutaat pillugit, aalisakkat ingerlaartarnerat pillugu, aammalu nipit atorlugit misissuinerit pillugit ilinniartunut siunnersortaasarluni.
Teunis Jansen Københavnip universitet-iani cand. scient.-itut ilinniarsimavoq, DTUmilu ph.d.mik allagartaqalersimalluni. Teunis tusagassiuutiniikulasuuvoq, ilisimatusarlunilu saqqummersitai uani takuneqarsinnaapput.
Sukumiinerusumik paasisaqarniaraanni attavigisassaq:
Professor/Ilisimatooq Teunis Jansen uunga tej@aqua.dtu.dk allaffigineqarsinnaavoq imaluunniit uunga sianerfigineqarsinnaalluni +21314997
