Nunatsinni aalisartunut Saqqummersinneqarfia 26.09.2023

Qassutaarsiutinik saliinissaq Upernavimmi Uummannami, Qeqertarsuup Tunuani aammalumi Nuummi

Sanna oktobarimi qassutaarsiutinik qalluisussaavoq Upernavimmi, Uummannami, Qeqertarsuullu tunuani, Nuummilu novembarip aallartinnerani qassutaarsiutinittaaq qalluisoqartussaalluni.

Sumi immap naqqa salinneqassanersoq aalajangeeqataaffigisinnaavat qalluinermilu peqataasinnaalluarputit. Qassutaarsiutinik qalluinissamut ikiuussinnaavutittaaq sumi salitassaqarneranik ilisimasannik apuussinikkut.

Sumiiffinnillu qassutaarsiutinik qalluiffiusussanik ilisimatitsisinnaaniassagavit una immap assinga qarasaasiatigut suliarisimasarput qassutaarsiutit sumiinnerannik nalunaarsuiffigineqarsinnaasoq atorlugu nalunaarsuisinnaavutit: https://arcg.is/0zC1SS

Ningittagaq naatippat annaaneqarpalluunniit immap naqqani qassutikoqarsimanissaa, ningittakkalluunniit ilagussimasut eqqakkalluunniit peqqutaasimassapput. Taamaattoqartillugu pingaaruteqarluinnarpoq ningittakkatit naatikkaangata nalunaarutigisarukku. Mobilit atorlugu sumiiffiit mobilikkut assilisinnaavat GPSivit sumiiffinnik nalunaarutiginninnera ersersillugu. Aalisarfinniillu angerlamut apuukkuit assilisat uploadtersinnaavat, uploadterfissallu nuisissinnaavat una qulaaniittoq mobilivit assiliiviatigut saqqarukku, taava nittartagaq nuisitassat nuippat tuuginnarsinnaavat unaluunniit linki aqqutigalugu https://arcg.is/0zC1SS iserfigisinnaallugu.

Tassuunatigut aamma sumiiffiit allat ningittakkavit naatiffigisarsimasaat sumiinnersut nalunaarutigisinnaavatit. GPS-inni sumiiffik ersersissinnaanngikkukku taava naatiffiusartoq nunap assingani tikkuarlugu sumiiffik saliiffiusariaqartoq nalunaarutigisinnaavat.

Qalluinitta nalaani pilersaarutigut pillugit ilisimatitsisuarumaarpugut, qanorlu ingerlasoqarnersoq ilisimatitsissutigisarlugu. Sumiiffinni piniartut aalisartullu peqatigiiffiat aqqutigalugu sumi saliisoqassanersoq aamma isumaqatigiissutigisinnaavarsi, siunnersuutissinnillu ilisimatilluta.

Sanna aalisartunut 2-4nut sumiiffissinnik ilisimannilluartunut ilaasoqarnissaminut inissaqartitsivoq. Piffissap ilaani sivisunerusumilluunniit peqataanissaq ajornartussaanani. Qalluinerup nalaani Sanna’mut pulaarnissannut aamma tikilluaqqusaavutit.

Arlaannik kissaateqaruit ilisimatitsiniaruilluunniit Pinngortitaleriffimmut sianersinnaavutit 361200 aqqutigalugu. Atit oqarasuaativillu normua nalunaarutigissavat najukkavillu eqqaani qassutaarsiutinik qalluisoqartinnagu sianerfigineqarnissat isumaginiarumaarparput. VHF raatiu, Messenger imaluunniit email aqqutigalugu attaviginissatsinnut tikilluaqqusaajuaannarputit.

Qassutaarsiutinik qalluinerit avatangiisinut aningaasaateqarfimmiit aningaasalerneqarpoq

Inussiarnersumik inuulluaqqusilluta

Pinngortitaleriffik www.natur.gl