R/V Tarajoq’ip kaanngartitsinermut kalinnermullu 3,8 mill. kr. pissarsiarai Saqqummersinneqarfia 19.09.2023

Aviisini innuttaasullu attaveqaataanni Pinngortitaleriffiup umiarsuaatileqatigiiffiullu ’Ocean Explorer’-imik piginnittup SunStone Maritime Group’ip akunnerminni isumaqatigiissutaat eqqoriaaffigisarlugu soqutigineqartorujussuusimavoq. Ingammik umiarsuaatileqatigiit akunnerminni isumaqatigiissutaasa aningaasartaat eqqartorneqarsimaqalutik.

Pinngortitaleriffiup SunStone Maritime Group’illu akunnerminni isumaqatigiissutaanni Pinngortitaleriffiup aningaasartuutaanut Tarajoq-llu sillimmasernissaanut tunnganerusimapput, suliassamut aningaasartuutaasut ajoqusiisoqassagaluarpallu sillimassutaasussat matussuserneqarnissaat pineqarnerusimallutik.

Suliassarlu 3,8 million kronenik nalilerneqartup matusussaavai Tarajoq-ip ulluinnarni aningaasartuutigisai aammalu suliaqarnermini ajoqusersinnaanerminut sillimmateqarnissaa.

SunStone Maritim Groupimik isumaqatigiissut Pinngortitaleriffiup umiarsuaatileqatigiiffianit Tarajoq-milu inuttanik suleqatigiinnikkut suliarineqarpoq. Imarsiornermut tunngasunik eqqartuussissuserisup misilittagaqarluartup isumaqatigiissutip inatsisit malillugit ingerlanneqarneranik qulakkeerinnittuuvoq (isumaqatigiissutaasut 1959meersut naapertorlugit) umiarsuarmik nikissinnaanngitsumik kaanngartitsillunilu kalinnermut tunngasoq naapertorlugu isumaqatigiissut suliarineqarluni. Pinngortitaleriffiup sillimassiisarfii isumaqatigiissummik aamma akuersiteqqaarlugit suliaq ingerlanneqarsimavoq.