Tarajoq-ip Ocean Explorer kaanngartippaa Saqqummersinneqarfia 14.09.2023

Iluatsippoq. Tarajoq-ip Ocean Explorer ullaap tungaa Tunup avannaarsuani kangerlummi Alpefjordemi ikkarleqqaneraniit kaanngartippaa. Tamannalu iluatsippoq takornariartaatsip saneraaniik nusunneratigut, umiarsuup ikkarleqqasup kitsaminik taassuma tungaatigut aamma amuarneratigut.

-Tarajoq-mi innuttagut pikkorilluinnartut tanngassimaarutigeqaatigut umiarsuarmik ikkarleqqasumik kaanngartitsisinnaammata, Pinngortitaleriffiup pisortaa Josephine Nymand nuannaaqaluni oqarpoq.

Annaassiniarneq ingerlanneqarpoq umiarsuaatileqatigiit taakkua marluk akunnerminni aningaasartuutinut tunngasunik isumaqatigiissusioreermata. Isumaqatigiissuteqarnikkut takornariat ikkarleqqallutik uninngaannartut sukkasuumik aaqqiiffigineqarnissaannut aqqutissiuisoqarsinnaanngormat, massakkullu Tarajoq-p Tunup imartaani suliassani uterfigeqqissinnaanngoqqippai.

Sukumiinerusumik paasisaqarniaraanni attavigisassaq:

Josephine Nymand, email: jony@natur.gl oqarasuaat 361200