Sermeq uukkaasoq spille’ngortoq Saqqummersinneqarfia 26.02.2024

Ilisimatooq Mads Peter Heide-Jørgensen ilisimatusartuunerlu Eva Garde, tamarmik Pinngortitaleriffimmersut videokut spille’lioqataapput ’The Tipping Point’imik taaguutilimmik.

’Spille, allatulli aliikkutassiatut sanaajupput, uanili pinnguaatigaluni silap allanngoriartorpiloornera ingerlaannassappat issittumi qanoq pisoqarsinnaaneranik ilisimasaqarnerulertoqarsinnaassaaq,’ Ilisimatooq Mads Peter Heide-Jørgensen nassuaavoq.

Spille’mi sapaatip akunnerata siuliani saqqummersinneqartumi sermersuarmi uukkartumi annanniarluni ingerlaarneruvoq sermimut kaatalerluni ingerlaartoqartussaalluni.

’Avammut saaffiginnittarnissatsinnut NordForsk aningaasaliisimavoq, uanilu qilalukkat qernertat tuugaavinut tunngasut suleqatigiissutigerujussuarsimavagut. Spille’milu qilalukkanut qernertanut tunngasortaa ineriartorteqataaffigisimavarput,’ Eva Garde nassuiaavoq.

’Spille Kalaallit Nunaannut attuumassuteqartoq meeqqanut inersimasunullu akeqanngitsumik neqeroorutaavoq. Pinngortitaleriffiup misissuinermini paasisarpassui qilalukkanut qernertanut tunngasut ilaapput, uanili saqqummiunneqarneri ilisimatuussutsikkut saqqummiussisarnitsinniit allaanerujussuarmik saqqummiunneqarput,’ ilisimatooq Mads Peter Heide-Jørgensen nassuiaavoq.

Spille’mi silap allanngoriartorneranut attuumassuteqartumi ilisimatuut arlallit peqataapput app’imilu Steam spil-imi akeqanngitsumik aariaannaalluni ’The Tipping Point’ ujaraanni nassaareriaannaavoq (Tipping Point kisiat allakkaanni spil-i allarujussuaq nassaarineqassaaq).

Fabula Studios spille’mik suliarinnittuupput.

Facebookimi Fabula Studios qupperneranni spille’ aamma nassaarineqarsinnaavoq uani