Avaleraasartuut
Aalisakkat immap ikeraneersut
Immap ikerani aalisakkat pillugit ICES´imit 2023-mut siunnersuinerup eqikkarnera.
Eqikkaanermi matumani saqqummiunneqassapput ICES´ip aalisakkanut immap ikeraniittartunut tunnngatillugu 2023-mut siunnersuineranut Kalaallit Nunaannullu soqutiginaateqartunut, ukununnga tunngassutillit: Ammassaat, avaleraasartuut, ammassassuit saarullernallu. Aalisagaqatigiit pingaaruteqartut pineqartut pillugit siunnersuinerup tunuliaqutai Ilanngusaq 1-imi itisilerneqarput. Ilanngussaq 2-mi siunnersuisarnerit kiisalu aalisagaqatigiit pisarineqartartut ukiut ingerlanerini allattorsimaffiini atuarneqarsinnaapput.
2023-mut siunnersuinermut sunniuteqartut makkuupput:
- Tunup imartaani nipi atorlugu ammassannik september 2022-mi misissuinerit ammassaqassutsip appariaateqarsimaneranik naatsorsuutiginngisamik takutitsipput. Ammassaat suffisinnaasut tulliani upernalernerani naatsorsuutigineqartutut Islandip imartaani suffiartortussatut isigineqartut amerlassusiat missilioreerlugu, naatsorsuinerit tunngavigalugit 218.400 tonsit 2023-mi pisassiissutigineqarsinnaanerat, piffissami 15. oktober 2022-miit 15. april 2023-p tungaanut aalisartoqarsinnaaneranik, ICES innersuussuteqarpoq. Imartami pineqartumi uumassusilerituut ukiuunerani 2022/2023-imi nutaamik misissueqqissapput, tassanilu aamma naliliiffigineqassaaq siunnersuinerup matuma nutarsartariaqarnissaa pisariaqarnersoq.
- Avaleraasartoqassuseq Kalaallit Nunaata Islandillu imartaanni EEZ-imik taaneqartartumi siuariaallassimavoq, ukiuni siuliini marlunni siaruarsimanerat isiginiarlugit ukiormanna kangisinniarpallaanngitsumik siaruarsimapput. Kalaallit Nunaanneersunit aalisariutinit ammassattarineqartut tamarmik Norskehav-imi nunat tamalaat imartaanni pisarineqarsimapput. 2023-mi ammassattarineqarsinnaasut 2022-imi pisarineqarsinnaasussatut innersuussutigineqartunit allannguuteqanngillat.
- 2023-mi ammassassuartarineqarsinnaasutut innersuussutigineqartut siorna innersuussutigineqartuniit 15 %-imik apariaateqarput. Pisarineqartartuni amerlanersaat ukioq 2016-imi suffiarineqarsimasuusut suli takuneqarsinnaavoq. Tamatumami kingorna ukiumi ataatsimi suffiarineqartartut ”ukioqatigiiaat” ammassaat immikkoortitaarlutik ikitsuinnaasarsimasutut missiliuunneqarput.
- Saarullernartassiiissutit 2022-mut siunnersuiffigineqarnerannit ukiormanna pisassiissutigineqarsinnaasutut kingullermik innersuussutigineqartunut sanilliullugit 81 %-imik qaffariaateqarsimapput. Tamanna 2020-mi suffilluataavissortoqarneranik tunngaveqarpoq, taakkulu 2023-mi pisarineqarsinnaalernissaat naatsorsuutigineqarpoq.
ICES´p pisortatigoortumik siunnersuinera nittartakkami uani takuneqarsinnaavoq: www.ices.dk
ICES´ip siunnersuinerminut paasissutissat tunuliaquttatut atugai aalisagaqatigiinnut nunatta imartaaniittartunut tunngassuteqartut tamavimmik aalisarnermit nalunaarsuutineersuupput aammalu uumassusilerituut misissuineranneersuullutik. Uppernarsaatinik amerlanerusunik perusuttoqassappat Pinngortitaleriffimmeersut sukumiinerusumik saqqummiussinissaminnut piareersimapput.
Eqikkaaneq tamakkeqqasoq uani aasinnaavat: Aalisakkat immap ikeraneersut pillugit ICES-ip 2023-mut siunnersuinerata eqikkarneqarnera
Siornatigut siunnersuinerit uani takusinnaavatit:
2022 | 2021 | 2019 |
2018 | 2017 | 2015 |
2014 | 2012 | 2011 |
2010 | 2009 | 2007 |
2006 |