Laboratorie Programkoordinatori Saqqummersinneqarfia 21.10.2022
Pinngortitalerinermut, ilisimatusarnermut teknikeri tamatigoortoq
Pinngortitalerineq soqutigisaqarfigaajuk? Taamaakkuit Kalaallit Nunaanni silap pissusiata allanngoriartorneranik ilisimatusarnermi siuttuusut suleqatigilersinnaavatit.
Silap Pissusianik Ilisimatusarfik Pinngortitaleriffimmi immikkoortortaqarfiuvoq. Silap Pissusianik Ilisimatusarfik ilisimatusarnernut, siunnersuinernut ilinniartitaanernullu immikkoortortaqarfiuvoq silap allanngorneranit immami uumasoqatigiinnut, avatangiisaannut kiisalu kalaallinut inuiaqatigiinnut sunniutaanik ilisimatusarfiusoq.
Silap Pissusianik Ilisimatusarfimmi sulinermut uummaarissumut, nuannersumut unammillernartumullu peqataalersussamik pissarsiorpugut.
Inuk suleqataalluartoq tamatigoortorlu aamma suleqatiginnissinnaassuseqarlunilu ataqatigiissarisinnaassuseqartoq, ulluinnarni suliassanik unammillernartumik suliarinnissinnaasumik aamma ilisimatusartunik nunanit tamalaaneersunik suleqateqarusuttumik pissarsiorpugut.
Atorfimmi umiarsuarni anginerusunut mikinerusunulluunniit ilaalluni suliat tikillugit suliartortoqartarnissaa naatsorsuutigineqarpoq.
Suliassat tamatigoortuupput aamma qinnuteqaateqartoq Silap Pissusianik Ilisimatusarfimmi teknikerinik ilisimatusartunillu allanik qanimut suleqateqassaaq.
Sulininni peqqissaartuunissat, suliniuteqarluartuunissat, imminut kajumissarsinnaanissat aamma suleqatiginnissinnaanissat nammineerlutillu sulisinnaanissat pingaartissavarput.
Taamaattumik qinnuteqaateqartup immakkut angallarissuunissaa, angallateeqqanillu sulissutiginnissinnaanissaa iluaqutaassapput.
Piginnaasat:
- Qinnuteqaateqartup laboratoriemi misilittagaqarnissaa, ass. laboratoriemi sulisartoq, aalisarnermi teknikeri, assigisaalu
- Suleqatigiinni suleqataanermut sungiussisimasuunissaa tamannali ilutigalugu nammineerluni sulisinnaanissaa timitaliisarnissaalu pingaartinneqarput.
- Laboratoriemi pequusivimmilu aaqqissuussinerni ilusilersuinernilu piginnaasat aamma laboratoriemi ulluinnarni suliassanik pilersaarusiorsinnaanerit suliarinnissinnaanerillu pingaartinneqarput.
- Suleqammik inussiarnersumik suleqataalluartumillu aamma assigiinngitsunik sulialinnik suleqateqarsinnaasumik pissarsiorpugut.
Angalasarnerit:
Nunatsinni avataanilu annikinnerusumik angalasoqartarnissaa naatsorsuutigineqarsinnaammat, angalanerit ulluinnarni inuunermut tulluarsarneqarsinnaanissaat pingaaruteqassaaq.
Aningaasarsiatigut atorfinitsitaanermilu atugassarititaasut:
Sulianik ataqatigiissaarisutut imaluunniit ilisimatusarnermik teknikeritut atorfinissaatit. Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaateqarnissamut killissarititaasoq: 20. november 2022
Annerusumik paasisaqarniaruit attavigisinnaavat Immikkoortortami Pisortaq Mie Winding, miwi@natur.gl imaluunniit +299 361200-mut sianerlutit.
Silap Pissusianik Ilisimatusarfiup nittartagaa alakkarneqarsinnaavoq: www.gcrc.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut “qinnuteqaat nassiuguk” toorlugu nassiutikkit.
E-mail-ikkut qinnuteqaatinik tigusineq ajorpugut.
